الماتىنىڭ باس سانيتار دارىگەرى جانداربەك بەكشين قالادا ەرتەڭنەن باستاپ كارانتين شارالارى جەڭىلدەيتىنىن مالىمدەدى.
قاۋلىعا سايكەس، "قىزىل" ايماقتا ورنالاسقان مەگاپوليستە 4 قىركۇيەكتەن باستاپ دەمالىس كۇندەرى "Ashyq" جوباسىنا قاتىسۋشى نىساندار 00:00-گە دەيىن، "Ashyq" كوشباسشىلارى 02:00-گە دەيىن جۇمىس ىستەي الادى.
ال 6 قىركۇيەكتەن باستاپ "Ashyq" جوباسىنا قاتىسۋشالاردىڭ جۇمىس كۇندەرى قىزمەت كورسەتۋ ۋاقىتى 22:00-دەن 00:00-گە دەيىن ۇزارتىلادى.
"Ashyq" كوشباسشىلارىنا تۇنگى ساعات 02.00-گە دەيىن جۇمىس ىستەۋگە رۇقسات ەتىلدى.
ءبىراق ءقوناقۇي، اۋەجاي، ۆوكزال، ءبىلىم بەرۋ نىساندارى جانە ت.ب. مەكەمەلەردىڭ قىزمەتكەرلەرى مەن كەلۋشىلەرىنىڭ ستاتۋسى "جاسىل" بولۋ كەرەك.
پىكىر قالدىرۋ