تاۋەلسىزدىكتىڭ 30 جىلدىعى قارساڭىندا شۇعىلا قورى باستاپ، داريا دامىتۋ ورتالىعى ۇيىمداستىرىپ، دەمەۋشىلەردىڭ قولداۋىمەن جۇزەگە اسقان "تۇلعا بولام" كىتاپ وقۋ سايىسىنىڭ ناتيجەسى شىعارىلىپ، جەڭىمپازدارى ماراپاتتالدى.

سايىسقا قاتىسۋشىلار 1-3 سىنىپ، 4-7 سىنىپ، 8-11 سىنىپ وقۋشىلارى جانە ەرەسەكتەر بولىپ 4 توپقا ءبولىندى. ءار توپقا جەكە تاپسىرما رەتىندە بولەك كىتاپ بەرىلگەن. ءار توپتىڭ جۇولدەسى دە بولەك بولدى.

وقىلاتىن كىتاپتار رەتىندە قازاق كلاسسيكتەرى مەن الەم كلاسسيكتەرىنىڭ تۋىندىلارى بەرىلدى. قاتىسۋشىلار 3 كەزەندە 3 كىتاپ وقۋعا ءتيىس بولدى. ءار كەزەڭنىن سوڭىندا كىتاپ بويىنشا ونلاين تەست الىندى.

ۇيىمداستىرۋشىلار سايىس ارقىلى جاستاردى كىتاپ وقۋعا قۇلشىندىرۋ، جالپى ەلدە كىتاپ وقۋ داعدىسىن جانداندىرۋدى كوزدەگەن.

سايىسقا بارلىعى 50 مىڭ قاتىسۋشى تىركەلگەن.

ءار كەزەڭ بويىنشا ءار توپتان العاشقى بولعان 50 ادام 5000 تەڭگەگە يە بولادى.

1-3 سىنىپ توبىندا  1-3 ورىن العاندارعا iPad، 4-10 ورىن العاندارعا ۆەلوسيپەد بەرىلدى.

4-7 سىنىپ توبىندا 1-3 ورىن العاندارعا MacBook، 4-7 ورىن يەلەنگەندەرگە ۆەلوسيپەد تابىستالدى. 

8-11 سىنىپ توبىندا 1-3 ورىن يەلەنگەندەر ستامبۋلعا ساياحات جاساسا.  4-10 ورىن العان قاتىسۋشىلار Apple Watch الدى.

ەرەسەكتەر توبىندا 1-ورىن يەگەرىنە 2 ادامعا شەت ەلگە ساياحات بەرىلسە، 2-ورىنعا 500 000 تەڭگە، 3-ورىنعا 300 000 تەڭگە قارجىلاي سىيلىق ۇلەستىرىلدى. 4-10 ورىن ارالىعىنداعىلارعا نوۋتبۋك تابىس ەتىلدى.

جۇلدەگەرلەر ءتىزىمى تومەندەگىدەي:

1-3 سىنىپ توبى: 1-ورىن – تابىس اليحان، 2-ورىن – اسلان ماديار، 3-ورىن – شىناربەك نۇرسۇلتان.

4-7 سىنىپ توبى: 1-ورىن – قازي اقنۇر، 2-ورىن – ەرلان كاۋسار، 3-ورىن – شىناربەك ەرسۇلتان.

8-11 سىنىپ توبى: 1-ورىن – بەگالى ەلدوس، 2-ورىن – شىناربەك جانار، 3-ورىن – ەلەتاي راسۋل.

ەرەسەك: 1-ورىن – قاشۋباي امانگەلدى، 2-ورىن – اتانبەكوۆا ارايلىم، 3-ورىن –  ماليكا كەڭەسوۆا.