ق ر باس پروكۋراتۋراسىنىڭ
ق ر مەملەكەتتىك قىزمەت ىستەرى اگەنتتىگىنىڭ
ق ر سىبايلاس جەمقورلىققا قارسى ءىس-قيمىل اگەنتتىگىنىڭ
نازارىنا!
الماتى قالاسى اۋەزوۆ اۋدانىنىڭ تۇرعىنى 3-توپتاعى مۇگەدەك تالعات كامالييەۆ قالا قۇرىلىسىن باقىلاۋ باسقارماسىنىڭ باسشىسى باحىتجان ناۋرىزبەكوۆ زاڭسىزدىقتارعا جول بەرىپ وتىر دەگەن پىكىردە.
ول ناۋرىزبەكوۆ باسقارما باسشىلىعىنا كەلگەلى جەكەلەگەن قۇرىلىس كومپانيالارىنىڭ مۇددەلەرىن قولداۋ جاعدايلارى جيىلەپ كەتكەنىن، ونىڭ قىلمىستىق ارەكەتتەرىنەن قالانىڭ ساۋلەتتىك كەلبەتىنە نۇقسان كەلىپ جاتقانىن ايتادى. سونداي-اق تالعات كادەس ۇلى "ليسەنسيا الۋ ءۇشىن، زاڭسىز قۇرىلىستاردى توقتاتپاۋ ءۇشىن، جەر تەلىمدەرىن ءماجبۇرلى تۇردە الىپ قويۋ بەلگىلى ءبىر باعا پايدا بولدى" دەپ وتىر.
– ونىڭ (باحىتجان ناۋرىزبەكوۆ - رەد) قىلمىستىق ارەكەتتەرىنىڭ كەسىرىنەن قالانىڭ ساۋلەتتىك كەلبەتى جوعالۋدا. قالا ورتالىعى تىعىزدانىپ جاتىر. بۇعان دەيىن پرەزيدەنت قاسىم-جومارت توقايەۆ 2019 جىلعى 29 قازاندا جەرگىلىكتى اتقارۋشى ورگاندارعا قالانىڭ ورتالىق بولىكتەرىندە تىعىز قۇرىلىس سالۋعا تىيىم سالۋدى تاپسىرعان بولاتىن. الايدا الماتىدا قۇرىلىس جۇمىستارى بەلسەندى تۇردە جالعاسىپ قانا قويماي، ولاردىڭ سانى دا ۇلعايۋدا. ناۋرىزبەكوۆ تاراپىنان قۇرىلىس نىساندارىنا باقىلاۋدىڭ بولماۋىنا بايلانىستى مەگاپوليس تۇرعىندارىنا ءقاۋىپ ءتونىپ تۇر، – دەيدى تالعات كامالييەۆ.
سوزىنشە، ناۋرىزبەكوۆ تاراپىنان جاسالعان زاڭبۇزۋشىلىقتار مەن ارەكەتسىزدىكتەرگە، كۆاليفيكاسياسىنا ساي كەلمەيتىنىنە قۇزىرلى ورگاندار تاراپىنان نازار اۋدارىلىپ، ەسكەرتۋ جاسالعان. الايدا ەسكەرتۋ تەك قاعاز جۇزىندە قالىپ، ناقتى شارا قابىلدانباعان.
– ماسەلەن، پرەزيدەنت اكىمشىلىگى تەكسەرىسى بارىسىندا جاۋاپتى لاۋازىمدى قىزمەتتەرگە ءتيىستى تاجىريبەسى جوق ادامداردىڭ تاعايىندالعانى انىقتالعان. ناۋرىزبەكوۆ بۇرىن-سوڭدى بۇل سالادا جۇمىس ىستەمەگەن. ول اۋدان اكىمى اپپاراتىنىڭ كاسىپكەرلىكتى جانە ونەركاسىپتى دامىتۋ ءبولىمىنىڭ باسشىسى، مەدەۋ اۋدانى اكىمىنىڭ ورىنباسارى، كاسىپكەرلىك جانە يندۋستريالىق-يننوۆاسيالىق دامۋ باسقارماسىنىڭ باسشىسى قىزمەتتەرىن اتقارعان. ال قالا قۇرىلىسىن باقىلاۋ باسقارماسى ساۋلەت-قۇرىلىس سالاسىنداعى مەملەكەتتىك باقىلاۋ، ليسەنزيا، اتتەستاسيا بەرۋ، قالا اۋماعى جەرىن ايدالانۋ مەن كۇزەتۋ سالالارىنا جاۋاپتى. سونداي-اق يندۋستريا جانە ينفراقۇرىلىمدىق دامۋ مينيسترلىگى قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتى جۇرگىزگەن تەكسەرىس بارىسىندا ناۋرىزبەكوۆ بىلىكتىلىك تالاپتارىنا سايكەس كەلمەيتىن ليسەنزيالار بەرگەنى انىقتالدى، – دەيدى شاعىمدانۋشى.
تالعات كامالييەۆتىڭ سوزىنشە، قالا قۇرىلىسىن باقىلاۋ باسقارماسى باسشىسىنىڭ ورىنباسارى ولجاس تولەبايەۆ 2019 جىلدان باستاپ قازىرگى ۋاقىتقا دەيىن قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 309-بابىنان 323-بابىنا دەيىن كوزدەلگەن اكىمشىلىك قۇقىق بۇزۋشىلىققا كىنالى دەپ تانۋ جانە ايىپپۇل تۇرىندە اكىمشىلىك جازا قولدانۋ تۋرالى قاۋلىلار شىعارعان. شىعارىلعان قاۋلىلار زاڭسىز جانە نەگىزسىز. ويتكەنى اكىمشىلىك قۇقىقبۇزۋشىلىق تۋرالى كودەكستىڭ 2-بولىگى 2 تاراۋىنا ساي، اكىمشىلىك قۇقىقبۇزۋشىلىقتاردى قاراۋعا جانە اكىمشىلىك جازا تاعايىنداۋعا تەك قالانىڭ باس مەملەكەتتىك قۇرىلىس ينسپەكتورى (قالا قۇرىلىسىن باقىلاۋ باسقارماسىنىڭ باسشىسى - رەد) عانا قۇقىلى. ونىڭ ورىنباسارىندا مۇنداي قۇقىق جوق.
پىكىر قالدىرۋ