اۋعانستان استاناسى كابۋلدىڭ سولتۇستىك-شىعىسىندا ورنالاسقان پاندجشير پروۆينسياسى مەن تالىپتەر اراسىنداعى قاقتىعىس جالعاسىپ جاتىر. بۇل تۋرالى بي-بي-سي اقپارات اگەنتتىگى حابارلادى.
اۋعانستانداعى پاندجشەر پروۆينسياسى ءۇشىن شايقاسىپ جاتقان ۇلتتىق قارسىلىق كۇشتەرى 4 كۇننىڭ ىشىندە "تاليبان" قوزعالىسىنىڭ 350 وكىلىن جويعانىن حابارلادى. تالىپتەردىڭ 300-گە جۋىعى جارالانىپ، تاعى 35ء-ى قاماۋعا الىنعان.
پاندجشەر اۋعانستانداعى تالىپتەردىڭ باقىلاۋىنا وتپەگەن جالعىز پروۆينسيا. سوندىقتان "تاليبان" قوزعالىسىنىڭ وكىلدەرى ءوڭىردى قورشاۋعا العان. بۇعان دەيىن ولار ايماق جەتەكىشلەرىن ءوز ەركىمەن بەرىلۋگە ۇگىتتەمەك بولعان. الايدا ودان ناتيجە شىقپادى.
– كەلىسسوزدەر ءساتسىز اياقتالدى، سەبەبى ەكى جاقتىڭ ۇستانىمى مۇلدە ەكىتۇرلى بولىپ شىقتى، – دەدى ۇلتتىق قارسىلاسۋ مايدانىنىڭ وكىلى فاحيم داشتي.
پىكىر قالدىرۋ