اۋعانستاننىڭ گەرات قالاسىندا 70-كە جۋىق ايەل قۇقىعىن ساقتاۋدى تالاپ ەتىپ، نارازىلىققا شىقتى. بۇل تۋرالى Daily Mail سايتى حابارلادى. 

ميتينگ ۇيىمداستىرۋشى فريبە كابرزاني ايەلدەردىڭ جاڭا ۇكىمەتتەگى مينيسترلەر كابينەتى مەن اقساقالدار كەڭەسىنە قوسىلۋعا مۇمكىندىگى بولۋى كەرەك دەپ سانايدى. ول اۋعان ايەلدەرى قازىرگى جاعدايعا قول جەتكىزۋ ءۇشىن كوپتەگەن قۇرباندىققا بارعانىن، وسى مۇمكىندىكتەن ايىرىلعىلارى كەلمەيتىنىن ايتادى.

– ءبىلىم، قاۋىپسىزدىك جانە جۇمىس، بۇل – ءبىزدىڭ نەگىزگى قۇقىقتارىمىز. ءبىز جاڭا ۇكىمەت ءبىزدى ەستىگەنىن قالايمىز، ءوز قۇقىعىمىزدى ساقتاعىمىز كەلەدى. ءقازىردىڭ وزىندە كوپتەگەن ايەلدەر ولىمنەن قورقىپ، نارازىلىق بىلدىرۋگە شىقپادى، – دەيدى بەلسەندى ايەلدەر. 

گەرات تۇرعىنى باسير تاگەر تالىپتەر ەلدەگى ماڭىزدى شەشىمدەر قابىلدار ۋاقىتتا ايەلدەرمەن كەڭەسۋى كەرەكتىگىن اتاپ ءوتتى. الايدا ولار جاڭا باسشىلىقتىڭ جينالىستارىنا مۇلدەم قاتىستىلىرمايتىنىن ايتادى.

ال جاس اۋعاندىقتاردىڭ سوزىنشە، تالىپتەر ولارعا جۇمىسقا بارۋدى شەكتەسە، جۇمىس بەرۋشىلەر ولاردى ايەل بولعانى ءۇشىن جۇمىستان شىعارىپ جاتىر.

بۇعان دەيىن 2 قىركۇيەكتە تالىپتەر جاڭا ۇكىمەتتە ايەلدەر نەگىزى جانە جوعارى لاۋازىمدارعا يە بولمايتىنىن مالىمدەگەن بولاتىن.