«Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك Facebook-تەگى پاراقشاسىندا مەملەكەت باسشىسى قاسىم-جومارت توقايەۆتىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى جولداۋىنداعى 3 نەگىزگى ماسەلەگە نازار اۋداردى.

«بىرىنشىدەن، مەملەكەت باسشىسىنىڭ ەل تاۋەلسىزدىگىنىڭ 30 جىلدىعى تۇسىندا جاساعان بۇل جولداۋى باسىمدىقتاردى ايقىنداپ، مەملەكەت پەن قوعامنىڭ ءارى قاراي دامۋ باعىتىن بەلگىلەپ قانا قويماي، سونىمەن بىرگە وسى جىلدار ارالىعىندا ءجۇرىپ وتكەن جولىمىزدى دا قورىتىندىلايدى. قاسىم-جومارت كەمەل ۇلى جولداۋىنىڭ باسىندا ايتقانداي، «قازاقستان تۇڭعىش پرەزيدەنتىمىز – ەلباسىنىڭ دارا ساياساتىنىڭ ارقاسىندا تابىستى ەل رەتىندە بۇكىل الەمگە تانىمال بولدى. ەڭ باستى جەتىستىگىمىز – ءبىرتۇتاس ەل بولىپ، جاڭا مەملەكەت قۇردىق. ىرگەمىزدى بەكىتىپ، ەڭسەمىزدى تىكتەدىك. حالىقارالىق قاۋىمداستىقتىڭ بەلدى مۇشەسىنە اينالدىق. تۇراقتى قوعام قالىپتاستىرىپ، ورنىقتى دامۋ جولىنا تۇستىك»، – دەپ جازدى «Nur Otan» پارتياسى ءتوراعاسىنىڭ ءبىرىنشى ورىنباسارى.

باۋىرجان بايبەك اتاپ كورسەتكەندەي، قازاقستان – بۇگىندە ىرگەسى بەرىك، تۇعىرى مىعىم مەملەكەت. مۇنى ىشكى ساياسي تۇراقتىلىعى، بەيبىت سىرتقى ساياساتى جانە جالپى ورنىقتى ەكونوميكاسى قامتاماسىز ەتىپ وتىر. كەزىندە وپپوزيسيانىڭ «قاراجاتتى تاراتىپ بەرۋ كەرەك» دەگەنىنە قاراماستان ەلباسى نۇرسۇلتان نازاربايەۆ قۇرعان ۇلتتىق قور بۇگىندە ءبىزدىڭ ەكونوميكالىق سىلكىنىستەردى ەڭسەرىپ قانا قويماي، ەلدىڭ ءارى قاراي دامۋى بويىنشا جاڭا باستامالار ۇسىنۋىمىزعا دا مۇمكىندىك بەرۋدە.

«ەكىنشىدەن، جولداۋ بۇكىل الەمدى جايلاپ، ەلىمىزدى ابىگەرگە سالعان كوروناداعدارىس ۋاقىتىندا، ازاماتتاردىڭ الەۋمەتتىك-ەكونوميكالىق احۋالى ناشارلاعان جانە نارازىلىق كوڭىل-كۇي ارتقان كۇردەلى جاعدايدا جاسالىپ وتىر. وسىنداي كەزەڭدە ءبىز، وكىنىشكە قاراي، گەوساياسي تۋربۋلەنتتىلىكتىڭ، الەمدىك دەرجاۆالاردىڭ سانكسيالىق تەكەتىرەستەرىنىڭ كۇشەيە تۇسكەنىن بايقاپ وتىرمىز. اۋعانستاننان مىڭداعان بوسقىندار ءوز ۇيلەرىن تاستاپ كەتىپ جاتقانىن كورىپ وتىرمىز، بۇل، ارينە، ورتا ازيا وڭىرىندەگى جانە جالپى ءبىزدىڭ ەلىمىزدەگى احۋالعا دا اسەر ەتپەي قويمايدى»، – دەدى ول.

ونىڭ پىكىرىنشە، مۇنداي كۇردەلى جاعدايدا مەملەكەت باسشىسىنىڭ جولداۋى باسىمدىقتاردى ايقىن بەلگىلەپ، قازىرگى سىن-قاتەرلەرگە ناقتى جاۋاپ بەرىپ وتىر.

«ەل پرەزيدەنتى قازاقستان ءۇشىن ۇلتتىق بىرلىكتى ودان ءارى نىعايتۋ، ازاماتتىق قوعامدى دامىتۋ مەن ەكونوميكانىڭ ساپالى ءوسۋى ءۇشىن جاڭا ىنتالاندىرۋ تەتىكتەرىن قۇرۋدىڭ باستى باسىمدىقتارى بولىپ تابىلاتىنىن اتاپ كورسەتتى. بۇل قازىرگى قيىندىقتاردى تابىستى ەڭسەرۋگە مۇمكىندىك بەرىپ قانا قويماي، پاندەميادان كەيىنگى كەزەڭدە ەل دامۋىن قامتاماسىز ەتۋگە دە جاعداي تۋدىردى»، – دەدى پارتيا ءتوراعاسىنىڭ ءبىرىنشى ورىنباسارى.

ۇشىنشىدەن، باۋىرجان بايبەك مەملەكەت باسشىسىنىڭ ساياسي جاڭعىرتۋعا، ازاماتتىق قوعامدى دامىتۋعا، جاڭا الەۋمەتتىك ستاندارتتاردى ەندىرۋگە، وتاندىق بيزنەستى قولداۋعا، سىبايلاس جەمقورلىققا قارسى ءىس-قيمىلعا، سونداي-اق مەملەكەتتىك اپپاراتتىڭ تيىمدىلىگىن ارتتىرۋعا باعىتتالعان باعدارىنىڭ جۇيەلى ءارى تاباندى ىسكە اسىرىلىپ جاتقانىن اتاپ كورسەتتى.

«جىل سايىنعى جولداۋلار مەن ەل پرەزيدەنتى قاسىم-جومارت توقايەۆتىڭ «Nur Otan» پارتياسىنىڭ حح سەزىندە جاريا ەتكەن «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىنىڭ ىسكە اسىرىلۋ بارىسى دەنساۋلىق ساقتاۋ جۇيەسىنىڭ ساپاسى، ءبىلىمنىڭ قولجەتىمدىلىگى، سيفرلاندىرۋ، وڭىرلەردى دامىتۋ سەكىلدى ماڭىزدى ماسەلەلەردىڭ قاشاندا باستى نازاردا ەكەنىن كورسەتەدى. قاراپايىم قازاقستاندىقتارعا اتاۋلى، ناقتى قولداۋ كورسەتۋگە، ولاردىڭ ءال-اۋقاتىن ارتتىرۋعا ەرەكشە كوڭىل بولىنۋدە»، – دەپ اتاپ ءوتتى ول.

ونىڭ ايتۋىنشا، پارتيانىڭ قوعامدىق قابىلداۋ بولمەلەرىنە ازاماتتاردان كەلىپ تۇسكەن 100 مىڭنان استام وتىنىشكە جاسالعان تالداۋ، سونداي-اق «Nur Otan» دەپۋتاتتارىنىڭ حالىقپەن كوپتەگەن كەزدەسۋلەرىنىڭ قورىتىندىسى بۇگىندە ەڭ وزەكتى 3 ماسەلەگە باعالاردىڭ ءوسۋى، كوممۋنالدىق تاريفتەردىڭ كوتەرىلۋى جانە باسپانامەن قامتاماسىز ەتۋ جاتاتىنىن كورسەتىپ وتىر. وسىعان بايلانىستى مەملەكەت باسشىسىنىڭ پاندەميا جاعدايىندا حالىق تابىسىن ارتتىرۋعا جانە تۇتىنۋشىلىق سۇرانىستى ىنتالاندىرۋعا باعىتتالعان 5 باستاماسى دەر ۋاقىتتا ۇسىنىلىپ وتىر، دەپ سانايدى باۋىرجان بايبەك.

ەڭ تومەنگى جالاقى مولشەرىن 60 مىڭ تەڭگەگە دەيىن ۇلعايتۋ، بيزنەستى قىزمەتكەرلەرىنىڭ جالاقىلارىن كوتەرۋگە ىنتالاندىرۋ شارالارىن ىسكە اسىرۋ، شاعىن جانە ورتا بيزنەس ءۇشىن سالىقتىق اۋىرتپالىقتى 34-تەن 25%-كە دەيىن تومەندەتە وتىرىپ، ەڭبەكاقى قورىنان ءبىرىڭعاي تولەم ەندىرۋ، ازاماتتىق قىزمەتكەرلەر ساناتىنداعىلاردىڭ باسىم بولىگىنىڭ جالاقىلارىن جىل سايىن 20%-كە كوتەرۋ، سونداي-اق تۇرعىن ءۇي نەسيەلەرىن الۋ شارتتارىن ءارى قاراي وڭتايلاندىرۋ ەلىمىزدىڭ بۇكىل دەرلىك ازاماتتارىن قامتيتىن شارالار بولماق. ساراپشىلاردىڭ باعالاۋى بويىنشا، ەڭ تومەنگى جالاقى مولشەرىنىڭ ۇلعايۋىنىڭ ءوزى عانا ەكونوميكانىڭ 1،5%-كە وسۋىنە اكەلەدى.

«Nur Otan» بيلەۋشى پارتيا رەتىندە جولداۋ مەن «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلامانىڭ ىسكە اسىرىلۋىنا جۇيەلى قوعامدىق باقىلاۋدى قامتاماسىز ەتەتىن بولادى. جىل باسىنان بەرى رەسپۋبليكالىق دەڭگەيدە سايلاۋالدى ۋادەلەردىڭ 11%ء-تى جانە وڭىرلىك دەڭگەيدە 12%ء-تى ورىندالدى. ناقتى سيفرلارمەن كورسەتسەك، بۇل – 7،7 ملن. شارشى مەتر تۇرعىن ءۇي، 12،2 مىڭ ورىنعا ارنالعان 34 مەكتەپ پەن 4،5 ورىنعا ارنالعان 68 بالاباقشا، 160 مىڭنان استام جۇمىس ورنى بار 77 جاڭا كاسىپورىن. جىل سوڭىنا دەيىن تاعى دا 200 ءارتۇرلى الەۋمەتتىك نىسان، ونىڭ ىشىندە جاڭا مەكتەپتەر، اۋرۋحانالار جانە ت.ب. پايدالانۋعا بەرىلەدى»، – دەدى باۋىرجان بايبەك.

پوستتا ايتىلعانداي، كولىك جانە ينجەنەرلىك ينفراقۇرىلىمدى اۋقىمدى تۇردە دامىتۋ جەكە بلوك بويىنشا ىسكە اسىرىلۋدا.

«دوستار! مەملەكەت باسشىسى اتاپ وتكەندەي، «ءبىز تۇعىرى مىعىم ەل بولۋ جولىندا كەدەرگىلەردى ەڭسەرىپ، قيىندىقتاردى جەڭىپ كەلەمىز. مۇنىڭ بارىنە بەرەكەلى بىرلىك پەن ەسەلى ەڭبەك ارقىلى جەتتىك. ەلىمىز تاۋەلسىزدىك جىلناماسىنىڭ ءتورتىنشى ونجىلدىعىنا قادام باسقالى تۇر. بۇل كەزەڭنىڭ وڭاي بولمايتىنى ءقازىردىڭ وزىندە ايقىن بايقالۋدا. سوندىقتان، كەز-كەلگەن سىن-قاتەرگە دايىن بولۋعا ءتيىسپىز. تىنىمسىز ىزدەنىپ، ۇدايى العا ۇمتىلۋىمىز قاجەت». «Nur Otan» ادامدار يگىلىگى جولىندا جۇمىس ىستەپ جاتقان ماقساتى ايقىن، ناقتى ىستەر پارتياسى رەتىندە ەل باسشىلىعى قويعان مىندەتتەر مەن قازاقستاندىقتار الدىنداعى ءوز سايلاۋالدى ۋادەلەرىنىڭ بارلىعىنىڭ ىسكە اسىرىلۋىن قامتاماسىز ەتەدى. ءبىز بىرگەمىز! قيىندىقتى ەڭسەرىپ، جەڭىسكە بىرگە جەتەمىز!»، – دەپ تۇيىندەدى ول.