شىعىس قازاقستان وبلىسى ريددەر قالاسىندا قىلمىسكەر اكىمشىلىكتە قىزمەت ەتەتىن كەلىنشەكتى ءولتىرىپ كەتكەن. ونىڭ ارتىندا 3 بالاسى قالدى. بۇل تۋرالى Polisia.kz سايتى حابارلادى.

پوليسيا دەپارتامەنتى باسپا ءسوز قىزمەتىنىڭ مالىمەتىنشە، كەلىنشەك 26 تامىزدا تاڭەرتەڭ ۇيىنەن جۇمىسقا شىعىپ،  ءىز-تۇسسىز جوعالىپ كەتكەن.

"ۇيالى تەلەفونى ءسوندىرۋلى تۇرعان ايەلدى ۇيىندە 8-11 جاس ارالىعىنداعى ءۇش بالاسى توسىپ جاتتى. كەشكە قاراي ورمان ىشىندە جۇرگىزىلگەن ىزدەستىرۋ شارالارى بارىسىندا ونىڭ ءمايىتى تابىلدى. زورلىقپەن ولتىرىلگەن ايەل ادامنىڭ بىرنەشە جەرىندە پىشاق جاراقاتتارى بار. وقيعا ورنىنا وسكەمەننەن پروكۋراتۋرا باسشىلىعى مەن كريميناليستەر دەرەۋ كەلىپ جەتتى" دەلىنگەن باسپا ءسوز حابارلاماسىندا.

بىرنەشە كۇننەن كەيىن جەدەل ۋاكىلدەر كۇدىكتىنى ۇستاعان. بۇرىن بىرنەشە رەت سوتتى بولعان 34 جاستاعى ەر ادام ءوز كىناسىن مويىنداعان. جاۋاپ الۋ كەزىندە ول قىلمىسقا مارقۇمنىڭ كۇمىس بۇيىمدارى مەن سومكەسىن تارتىپ الۋ ءۇشىن بارعانىن ايتقان.

– قازىرگى ۋاقىتتا كۇدىكتى قاماۋعا الىندى. وعان قاتىستى ق ر قك-نىڭ (99 ادام ءولتىرۋ) جانە 192-باپتارى (قاراقشىلىق) بويىنشا سوتقا دەيىنگى تەرگەۋ امالدارى جۇرگىزىلۋدە. وسى باپتار بويىنشا ەر ادام 20 جىلعا نەمەسە ءومىر بويىنا باس بوستاندىعىنان ايىرىلۋى مۇمكىن، – دەدى وبلىستىق پد باستىعىنىڭ ورىنباسارى تالعات شاياحمەتوۆ.

اناسىنان ايىرىلعان بالالار جاقىن تۋىستارىنا قامقورلىققا بەرىلدى.