بۇگىن ءماجىلىس سپيكەرى نۇرلان ءنىعماتۋليننىڭ توراعالىعىمەن پالاتا بيۋروسى ءوتىپ، وندا الداعى جالپى وتىرىستىڭ كۇن ءتارتىبى ناقتىلاندى، دەپ حابارلادى ءمادىلىستىڭ باسپا ءسوز قىزمەتى.
بيۋرو وتىرىسىندا دەپۋتاتتار قاراۋىنا كاسپيي تەڭىزى ورتاسىن قورعاۋ جونىندەگى نەگىزدەمەلىك كونۆەنسياعا قورشاعان ورتاعا ترانسشەكارالىق تۇرعىدان جاسالاتىن اسەردى باعالاۋ جونىندەگى حاتتامانى راتيفيكاسيالاۋ تۋرالى زاڭ جوباسى ۇسىنىلعان.
حاتتاما تەڭىز ورتاسى مەن تەڭىزدىڭ جاقىندىعى اسەرىنە ۇشىراپ وتىرعان قۇرلىقتىڭ لاستانۋىن بولدىرماۋ، تەڭىزدىڭ جاقىندىعى اسەرىنە ۇشىراپ وتىرعان قۇرلىققا ەلەۋلى ترانسشەكارالىق اسەر ەتۋى مۇمكىن جوسپارلانىپ وتىرعان قىزمەتتىڭ قورشاعان ورتاعا اسەرىن باعالاۋدىڭ ءتيىمدى جانە اشىق راسىمدەرىن جۇرگىزۋدى كوزدەيدى.
كۇن ءتارتىبىنىڭ جوباسىندا قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل ماسەلەلەرى بويىنشا زاڭ جوباسىن جۇمىسقا الۋ قاراستىرىلعان. سونىمەن قاتار، پالاتانىڭ بەيىندى كوميتەتتەرى ءبىرقاتار جاڭا راتيفيكاسيالاناتىن زاڭ جوبالارىن جۇمىسقا الماق. اتاپ ايتقاندا، مۇگەدەكتەردىڭ قۇقىقتارى تۋرالى كونۆەنسياعا فاكۋلتاتيۆتىك حاتتامانى جانە قازاقستان مەن رەسەي ۇكىمەتتەرى اراسىنداعى "بايقوڭىر" عارىش ايلاعىندا "بايتەرەك" عارىش زىمىران كەشەنiن قۇرۋ تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاسيالاۋ تۋرالى زاڭ جوبالارى بار.
پىكىر قالدىرۋ