دەنساۋلىق ساقتاۋ مينيسترلىگى 2 قىركۇيەكتەگى ەپيدەميولوگيالىق جاعدايدى مالىمدەدى.

مينيسترىك مالىمەتىنشە، قازاقستاندا وتكەن تاۋلىكتە پتر ارقىلى 4930 ادامنان كوروناۆيرۋس، 358 ادامنان پنيەۆمونيا انىقتالعان. 1 شىركۇيەكتەگى 96 ادام كوروناۆيرۋستان، 21 ناۋقاس پنيەۆمونيادان كوز جۇمعان.

ەل بويىنشا كوروناۆيرۋسقا تاپسىرعان تەستى وڭ ناتيجە كورسەتكەن جاعدايلاردىڭ جالپى سانى 803 601-گە جەتتى. كوروناۆيرۋس بەلگىلەرى بار پنيەۆمونيامەن اۋىرعانداردىڭ رەسمي سانى – 70 608.

3 قىركۇيەكتەگى مالىمەت بويىنشا، 99 675 ادام كوروناۆيرۋس ينفەكسياسىنان ەمدەلۋدە، ولاردىڭ ىشىندە 21 714 پاسيەنت ستاسيوناردا، 77 961 ناۋقاس امبۋلاتوريالىق دەڭگەيدە ەم قابىلداۋدا.

1547 ادامنىڭ جاعدايى اۋىر، 481 پاسيەنتتىڭ جاعدايى وتە اۋىر، 255 ناۋقاس ءوجج اپپاراتىندا جاتىر.

ءۇشىنشى قىركۇيەكتەگى جاعداي بويىنشا كوروناۆيرۋستىڭ تارالۋى بويىنشا "جاسىل" ايماقتا تۇركىستان وبلىسى تۇر.

"سارى" ايماقتا شىعىس قازاقستان، جامبىل وبلىستارى بار.

ال "قىزىل" ايماقتا نۇر-سۇلتان، الماتى، شىمكەنت قالالارى، اقمولا، اقتوبە، الماتى، اتىراۋ، باتىس قازاقستان، قاراعاندى، قوستاناي، قىزىلوردا، ماڭعىستاۋ، پاۆلودار، سولتۇستىك قازاقستان وبلىستارى بار.

3 قىركۇيەكتەگى مالىمەت بويىنشا قازاقستاندا كوروناۆيرۋس ينفەكسياسىنا قارسى ۆاكسينانىڭ 1-كومپونەنتىن 6 748 762 ادام، 2-كومپونەنتىن 5 559 692 ادام سالدىرعان.