شىمكەنت قالاسىنداعى №2 اۋرۋحانا دارىگەرلەرى كوروناروگرافيا ادىسىمەن جۇرەك اۋرۋى بار ناۋقاسقا العاش رەت دياگنوستيكا جاسادى. كۇردەلى وتا اۋرۋحانانىڭ باس دارىگەرىنىڭ مىندەتىن ۋاقىتشا اتقارۋشى رەنتگەن-حيرۋرگ اسقار راحماتالييەۆتىڭ جەتەكشىلىگىمەن ءوتتى.شىمكەنت قالاسىنداعى №2 اۋرۋحانا دارىگەرلەرى كوروناروگرافيا ادىسىمەن جۇرەك اۋرۋى بار ناۋقاسقا العاش رەت دياگنوستيكا جاسادى. كۇردەلى وتا اۋرۋحانانىڭ باس دارىگەرىنىڭ مىندەتىن ۋاقىتشا اتقارۋشى رەنتگەن-حيرۋرگ اسقار راحماتالييەۆتىڭ جەتەكشىلىگىمەن ءوتتى.
اۋرۋحانا بازاسىندا العاش رەت جاسالعان وتا كەزىندە بىلىكتى ماماندار جۇرەككە جىڭىشكە كاتەتەر جىبەرىپ، شاشتىڭ قىلىنداي عانا قان تامىرداعى اقاۋدى دەر كەزىندە انىقتادى. اۋرۋحانا دارىگەرلەرى جۇرەك-قان تامىرىنداعى اقاۋدى تولىق انىقتايتىن كوروناگرافيا ءادىسىن ءساتتى ىسكە اسىردى.
كوروناروگرافيا مامانداندىرىلعان وپەراسيالىق بولمەدە رەنتگەن ساۋلەلەرىنىڭ باقىلاۋىمەن جاسالادى. رەنتگەندە قان جانە ونىڭ تامىرلارداعى قوزعالىسى كورىنبەيدى، ال رەنتگەنكونتراستى ەرىتىندى قانمەن ارالاسىپ تەك قانا ونى كورسەتپەي، بۇكىل كورونارلىق تامىردىڭ ىشكى ءپىشىنىن كورسەتەدى. بۇل دۇرىس دياگنوز قويۋعا مۇمكىندىك بەرەدى.
مەديسينا مەكەمەسىندە كارديولوگيا سالاسىنداعى ەمدەۋ جۇمىستارىن ودان ءارى كەڭەيتۋ، جۇرەك اۋرۋىنا شالدىققان ناۋقاستارعا جوعارى مامانداندىرىلعان دياگنوستيكالىق تەكسەرۋ مەن ەمدەۋ مۇمكىندىگىن ارتتىرىپ، جۇرەك-قان تامىرلارىنان پايدا بولاتىن ءولىم-جىتىم كورسەتكىشىن ازايتپاق نيەتتە. ول ءۇشىن اۋرۋحانادا بىلىكتى ماماندارمەن قاتار، قاجەتتى زاماناۋي تەحنيكالىق جابدىقتاردىڭ بارلىعى بار.
№2 اۋرۋحانا بازاسىندا ەكى ناۋقاسقا كوروناروگرافيا جاسادىق. ناۋقاستاردىڭ ءبىرى ون جىل بۇرىن جۇرەگىنە اورتا كورونارلىق شۋنت وتاسى جاسالىپ، ستەنت قويعان. سول ستەنت قويعاننان كەيىنگى تامىرداعى وزگەرىستەرگە ناقتى دياگنوستيكا جاسادىق. ال ەكىنشى ناۋقاستىڭ جۇرەك ىرعاعىنىڭ بۇزىلىسى بولعاندىقتان جۇرەك قان-تامىرلارىنداعى پاتولوگيانى انىقتاي الدىق. ناتيجەسىندە وپەراسيالىق جولمەن جاسالعان دياگنوستيكالىق تەكسەرۋدەن كەيىن قوس ناۋقاسقا دا كونسەرۆاتيۆتى ەمدەۋ تاعايىندالدى. اۋرۋحانادا كارديولوگيا سالاسىن دامىتۋ ءۇشىن باسقا دا رەسپۋبليكالىق دەڭگەيدەگى ەمدەۋ مەكەمەسىنەن جوعارى تاجىريبەلى مامانداردى شاقىرتتىق. بىلىكتى ماماندار جاساقتالىپ، ءقازىر وسى سالانى دامىتۋ جاعىن مىقتاپ قولعا الدىق، – دەيدى اۋرۋحانانىڭ باس دارىگەرى م.ۋ.ا. اسقار راحماتالييەۆ.
شىمكەنت قالالىق №2 اۋرۋحانا - قالاداعى كوپ بەيىندى، باسەكەگە قابىلەتتى ۇيىم. اۋرۋحانا بازاسىندا اشىلعان كارديولوگيا بولىمشەسىندەگى توسەك-ورىن سانى ءقازىر 22-گە كوبەيتىلگەن. بۇرىن سوزىلمالى جۇرەك اۋرۋىن عانا ەمدەيتىن ورتالىق ەندى وزگە دە جۇرەك دەرتتەرىن ەمدەپ، كارديولوگيا باعىتىندا كۇردەلى وتالار جاساپ جاتىر.
