سولتۇستىك قازاقستان وبلىسى دەنساۋلىق ساقتاۋ باسقارماسىنىڭ باسشىسى قابدىراحمان ساقتاعانوۆ 425 مىڭ تەڭگە پارا الدى دەگەن كۇدىككە ءىلىندى، دەپ حابارلادى استانا تەلەارناسى.
كەيبىر اقپارات كوزدەرىنىڭ مالىمەتىنشە، شەنەۋنىك مەديسينالىق كومپانيا وكىلىنە قولداۋ مەن قامقورلىق كورسەتۋ ءۇشىن ءبىر مىڭ اقش دوللارىن العان. بۇل ارەكەتى ءۇشىن وعان قانداي جازا تاعايىندالاتىنى ازىرگە بەلگىسىز.
سىبايلاس جەمقورلىققا قارسى اگەنتتىگى رەسمي مالىمدەمە جاساعان جوق. ايتا كەتۋ كەرەك، كۇدىكتى دەنساۋلىق ساقتاۋ باسقارماسىنىڭ باسشىسى قىزمەتىنە بىلتىر عانا تاعايىندالعان. ال وعان دەيىن ءبىرقاتار اۋرۋحانانىڭ باس دارىگەرى قىزمەتىن اتقارىپ كەلگەن.
وسى اقپاراتقا ساي چينوۆنيك تەلەگرام كانالى مىنانداي حابارلامانى جاريالادى.
"پەتروپاۆلدا 1962 جىلى تۋعان "سولتۇستىك قازاقستان وبلىسى اكىمدىگىنىڭ دەنساۋلىق ساقتاۋ باسقارماسى" كمم باسشىسى ساقتاعانوۆ قابدراحمان ەركەنۇلىنا قاتىستى ق ر قك 366-بابى 1-بولىگى بويىنشا سوتقا دەيىنگى تەرگەۋ باستالدى، ول "چنۋ دەنساۋلىق" مەديسينالىق مەكەمەسىنىڭ ديرەكتورى قارابايەۆا ايناگۇل سەرەكبايقىزىنان جالپى قامقورلىعى ءۇشىن $1000 اقش كولەمىندە پارا الدى. ساقتاعانوۆ پەتروپاۆل قالاسىنىڭ ۋۇي-نە قامالدى" دەلىنگەن حابارلامادا.
