شري-لانكا ەلىنىڭ پرەزيدەنتى گوتابايا رادجاپاكسا اسكەري ۇشاقپەن مالديۆ ارالدارىنا قاشىپ كەتتى، دەپ جازادى Associated Press اگەنتتىگى. گوتابايا رادجاپاكسا جانىنا ايەلى جانە 2 وققاعارىن الا كەتكەن.
رادجاپاكسا بيلىككە 2019 جىلى كەلگەن. ول ەلدى باسقارعا تۇستا شري-لانكا بۇرىن-سوڭدى بولماعان اۋقىمدى ەكونوميكالىق داعدارىسقا تاپ بولدى.
9 شىلدەدە ول شەرۋشىلەر باسىپ العان رەسمي رەزيدەنسياسىن تاستاپ كەتۋگە ءماجبۇر بولعان..
ءبىراز ۋاقىتتان كەيىن رادجاپاكسا پارلامەنت سپيكەرىنە 13 شىلدەدە وتستاۆكاعا كەتۋگە نيەتتى ەكەنىن ايتقان بولاتىن. پارلامەنت جاڭا مەملەكەت باسشىسىن 20 شىلدەدە تاعايىنداۋدى جوسپارلاپ وتىر.
پىكىر قالدىرۋ