سىبايلاس جەمقورلىققا قارسى قىزمەت كوكشەتاۋ قالاسى پوليسيا باسقارماسىنىڭ لاۋازىمدى تۇلعالارىنا قاتىستى باسقا ورگاننىڭ ءىس جۇرگىزۋىندە جاتقان قىلمىستىق ءىستى توقتاتقانى ءۇشىن كاسىپكەردەن 50 مىڭ اقش دوللارى سوماسىندا اقشا قاراجاتىن الۋ فاكتىسى بويىنشا سوتقا دەيىنگى تەرگەۋ جۇرگىزىپ جاتىر. بۇل تۋرالى انتيكوردىڭ باسپا ءسوز قىزمەتى حابارلادى.
"8 شىلدەدە جۇرگىزىلگەن جەدەل-تەرگەۋ ءىس-شارالارىنىڭ ناتيجەلەرى بويىنشا قپك-نىڭ 128-بابى تارتىبىندە كوكشەتاۋ قالاسى پوليسيا باسقارماسى باستىعىنىڭ ورىنباسارى ۇستالدى. 9 شىلدەدە كوكشەتاۋ قالاسىنىڭ تەرگەۋ سوتى كۇدىكتىگە قاتىستى "كۇزەتپەن ۇستاۋ" تۇرىندەگى بۇلتارتپاۋ شاراسىن سانكسيالادى. قازىرگى ۋاقىتتا سوتقا دەيىنگى تەرگەۋ جۇرگىزىلۋدە. دەلىنگەن انتيكور حابارلاماسىندا.
پىكىر قالدىرۋ