سولتۇستىك قازاقستان وبلىسىنىڭ سىبايلاس جەمقورلىققا قارسى قىزمەتى ءبىلىم بەرۋ سالاسىندا ميلليونداعان بيۋدجەت قاراجاتتىڭ ۇرلانعانىن انىقتادى. بۇل تۋرالى وبلىستىق سىبايلاس جەمقورلىققا قارسى ءىس-قيمىل دەپارتامەنتىنىڭ باسپا ءسوز قىزمەتى حابارلادى.

وبلىستىق سىبايلاس جەمقورلىققا قارسى ءىس-قيمىل دەپارتامەنتىنىڭ باسشىسى سەرگەي پەروۆ  سوڭعى جىلدارى ءبىلىم بەرۋ سالاسىندا 300-دەن استام قىلمىستىق قۇقىقبۇزۋشىلىق جاسالىپ، 143 ادام سوتتالعانىن ايتتى. ءبىلىم سالاسى جەمقورلىقتان الدىڭعى ۇشتىككە كىرگەن.

ونىڭ ايتۋىنشا، جاپپاي جەمقورلىق جاساۋ جۇيەلى پروبلەماعا اينالىپ وتىر. مىسالى اۋداندىق ءبىلىم ءبولىمىنىڭ ەسەپشىسى مارقۇمدارعا جالاقى اۋدارعان. ال بالاباقشا ەسەپشىسى مەملەكەت قارجىسىن جەكە شوتىنا اۋدارىپ العان. كەلتىرىلگەن زالال – 90 ميلليون تەڭگە.

ءاربىر فاكتى بويىنشا ىشكى مەملەكەتتىك اۋديت دەپارتامەنتى تەكسەرۋ جۇرگىزەدى. قورىتىندىسى بويىنشا ءتيىستى قۇقىقتىق باعا بەرىلەتىن بولادى. بۇگىندە جالپى سوماسى 50 ميلليون تەڭگەدەن اساتىن ۇرلىق فاكتىلەرى بويىنشا ەكى قىلمىستىق ءىس تىركەلدى، - دەپ اتاپ ءوتتى سەرگەي پەروۆ.