استانادا وتكەن بيزنەس فورۋمدا قازاقستان مەن اۋعانستان اراسىندا 15 كەلىسىمشارتقا قول قويىلدى. كەلىسىمشارتتىڭ جالپى قۇنى 190،8 ميلليون دوللارعا قۇراعان.
شارتقا سايكەس، قازاقستان ەندى اۋعانستانعا اۋىل شارۋاشىلىعى ونىمدەرىن، ۇن مەن وسىمدىك مايىن ەكسپورتتايدى.
قول قويىلعان كەلىسىمشارتتاردىڭ 9-ى وسىمدىك مايى ەكسپورتىنا قاتىستى بولعان.
ەسكە سالايىق، 3-5 تامىز كۇنى استانادا قازاقستان مەن اۋعانستاننىڭ بيزنەس-فورۋمى وتكەن بولاتىن. فورۋمعا اۋعانستاننان 200-گە جۋىق دەلەگات كەلدى.
پىكىر قالدىرۋ