الماتىدا افريكا ەلدەرىنەن كەلگەن 28 ازامات انىقتالدى.
بۇل وتكەن كۇنى قالانىڭ كوشى-قون قىزمەتى جۇرگىزگەن ماقساتتى ءىس-شارا ناتيجەسىندە تىركەلگەن دەرەك.
Polisia.kz حابارلاۋىنشا، كەلىمسەكتەر قالانىڭ ءارتۇرلى نىساندارىنان تابىلدى.
– جەكە باسىن كۋالاندىراتىن قۇجاتتارى جوق 16 شەتەلدىك ازامات پد-نىڭ قابىلداپ-تاراتۋ ورنىنا ورنالاستىرىلدى، افريكا ەلدەرىنەن كەلگەن تاعى 8 ازاماتتى قازاقستاننان ماجبۇرلەپ شىعارۋ ماسەلەسى شەشىلىپ جاتىر. سونىمەن قاتار قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن باسقا دا بۇزۋشىلىقتاردى انىقتاۋ بويىنشا ءىس-شارالار جۇرگىزىلىپ جاتىر، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
پىكىر قالدىرۋ