سەنات كۋلۋارىندا جۋرناليستەردىڭ دارىگەرگە تىكەلەي جۇگىنۋ ءۇشىن نە ىستەۋ كەرەگىنە قاتىستى سۇراعىنا ۆيسە-مينيستر تيمۋر سۇلتانعازييەۆ جاۋاپ بەردى.
- ءار ەمحانانىڭ ونلاين جازىلۋعا بولاتىن ءوز جۇيەسى، اقپاراتتىق قوسىمشالارى، ءارتۇرلى مەديسينالىق اقپاراتتىق جۇيەلەرى بار. سول جۇيەلەرمەن تىركەۋ ءبولىمى ارقىلى جازىلۋعا بولادى. كەي ۇيىمدار ءالى كۇنگە دەيىن ادامداردىڭ كەلۋى بويىنشا كەزەكپەن جۇرەدى. ياعني، ءار ەمحانانىڭ بەلگىلى ءبىر مامانعا جازىلۋ مەحانيزمى بار، – دەدى تيمۋر سۇلتانعازييەۆ.
ونىڭ ايتۋىنشا، يننوۆاسيا ناۋقاستاردىڭ توپتاسىپ كەلۋىن، كەزەك تۋىنداۋدىڭ الدىن الادى. ويتكەنى ازاماتتار ناقتى قاجەتى بويىنشا عانا تىكەلەي جۇگىنەدى.
- مىسالى، ءتىس اۋىرسا، ءتىس دارىگەرىنە بارۋ ءۇشىن جالپى تاجىريبە دارىگەرىنە نەمەسە دارىگەرگە بارىپ جولداما الۋدىڭ قاجەتى بولمايدى. ءسىز ءتىس دارىگەرىنە تىكەلەي بارا الاسىز. نەمەسە مىسالى، ەگەر جاراقاتتانىپ قالسا، مەديسينالىق كومەك الۋ ءۇشىن دەرەۋ تراۆماتولوگقا بارۋعا بولادى. ياعني مۇنداي وبەكتيۆتى جاعدايلاردا عانا جالپى تاجىريبەلىك دارىگەردىڭ جولداماسىنسىز بەيىندى مامانعا بارۋعا رۇقسات ەتىلەدى، – دەپ تولىقتىردى ءمينيستردىڭ ورىنباسارى.
بۇرىن نورما تومەندەگى بولىكتەردى قامتىعان:
- شۇعىل جاعدايلار مەن جاراقاتتار، ونىڭ ىشىندە وفتالمولوگيالىق، وتورينولارينگولوگيالىق سىرقات؛
- شۇعىل جانە جوسپارلى ستوماتولوگيالىق كومەك كورسەتۋ؛
- دەرماتوۆەنەرولوگيالىق سيپاتتاعى اۋرۋلار؛
- تىركەلگەن جەرى بويىنشا اكۋشەر-گينەكولوگ پەن پسيحولوگتىڭ قابىلداۋى؛
- ونكولوگ جانە ونكوگەماتولوگتىڭ قابىلداۋى؛
- ديسپانسەرلىك ەسەپتە تۇرعاندار ۇشىن-كارديولوگ، ەندوكرينولوگ، وفتالمولوگ، نيەۆروپاتولوگ، حيرۋرگ قابىلداۋلارى؛
- بەيىندى ماماننىڭ ايتۋى بويىنشا ونى قايتا قابىلداۋ؛
- جاستاردىڭ دەنساۋلىق ساقتاۋ ورتالىقتارىندا ماماندار قابىلداۋ؛
- جىلجىمالى مەديسينالىق كەشەندەردىڭ جانە باسقا دا ءموبيلدى قىزمەتتەر.
پىكىر قالدىرۋ