ءمينيستردىڭ ايتۋىنشا، قازىرگى كەزدە تاعى ءبىر شەكتەۋ تالقىلانىپ جاتىر. وعان سايكەس، ءۇش ايدا ءبىر ادامعا جىبەرىلگەن ءموبيلدى اۋدارىمداردىڭ جالپى سوماسى 255 مىڭ تەڭگەدەن اسپاۋى قاجەت.
بۇگىندە ءۇش ايدىڭ ىشىندە ءبىر نومىرگە ءارتۇرلى ادامداردان تۇسەتىن اۋدارىمداردىڭ سانى 100-دەن اسپاۋى ءتيىس. ودان كوپ بولىپ كەتسە، باقىلاۋ شارالارى باستالادى. جىلدىڭ باسىندا بارلىعى دۇرلىگىپ كەتتى، قولما-قول اقشا ىزدەي باستادى. دەگەنمەن جەكە كاسىپكەر رەتىندە تىركەلگەندەردىڭ سانى ايتارلىقتاي ءوستى.
"قازىرگى كەزدە جاعداي تىنىشتالدى، قولما-قول اقشانىڭ كولەمى ازايىپ كەلەدى. ادامدار قايتادان ءموبيلدى اۋدارىمدارعا كوشىپ جاتىر. قاڭتار ايىندا شامامەن 75 مىڭ جەكە كاسىپكەر تىركەلدى. بۇرىن ءبىر ايدا 2-3 مىڭ ادام تىركەلەتىن. ال اقپان ايىندا 70 مىڭ جەكە كاسىپكەر تىركەلدى. دەمەك ادامدار كاسىبىن زاڭداستىرىپ جاتىر"، - دەدى تاكييەۆ ۇكىمەتتىڭ بۇگىنگى وتىرىسىندا.
پىكىر قالدىرۋ