شاكەن ايمانوۆ اتىنداعى "قازاقفيلم" ۇلتتىق كينوستۋدياسى" اق بۇرىنعى ۆيسە-پرەزيدەنتى سەرىك جۇباندىقوۆ 5 جىلعا شارتتى تۇردە سوتتالدى. بۇل تۋرالى انتيكور حابارلادى.
"الماتى قالاسى بوستاندىق اۋداندىق سوتى شاكەن ايمانوۆ اتىنداعى "قازاقفيلم" ۇلتتىق كينوستۋدياسى" اق بۇرىنعى ۆيسە-پرەزيدەنتى سەرىك جۇباندىقوۆقا قاتىستى ۇكىم شىعاردى. ول الماتى وبلىسى ىلە جاعالاۋىنداعى "كوشپەندىلەر" كينوجوباسى اياسىندا نارىقتىق قۇنىنان 44 ەسە تومەن باعاعا سالىنعان "تۇركىستان قالاسى" بۋتافور بەكىنىسىن زاڭسىز ىسكە اسىرۋ جولىمەن مەملەكەتكە زالال كەلتىرىپ، جىمقىرعانى ءۇشىن سوتتالدى"، – دەلىنگەن رەسي مالىمدەمەدە.
سوت ۇكىمىمەن جۇباندىقوۆقا شارتتى تۇردە 5 جىل مەرزىمگە باس بوستاندىعىنان ايىرۋ جازاسى تاعايىندالدى. ۇكىم زاڭدى كۇشىنە ەنگەن جوق.
پىكىر قالدىرۋ