قاسىم-جومارت توقايەۆ مەملەكەتكە ساتقىندىق جاساعانى ءۇشىن سوتتالعان ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ماسىموۆكە كەشىرىم بەرۋدەن باس تارتتى. بۇل تۋرالى Informburo حابارلادى.
پرەزيدەنتى اكىمشىلىگى ءماسىموۆتىڭ 27 ماۋسىمداعى كەشىرىم جاساۋ تۋرالى ءوتىنىشىن قازاقستان رەسپۋبليكاسى پرەزيدەنتى جانىنداعى كەشىرىم جاساۋ ماسەلەلەرى جونىندەگى كوميسسيادا قاراعان ەدى.
"ماسىموۆكە كەشىرىم جاساۋ اكتىسىن قولدانۋ مۇمكىندىگىن زەردەلەۋ قورىتىندىسى بويىنشا كوميسسيا پرەزيدەنتكە ۇسىنىس ەنگىزىپ، ول ۇسىنىسپەن كەلىستى"، – دەپ مالىمدەدى پرەزيدەنت اكىمشىلىگى.
ايتا كەتەيىك، ءماسىموۆ قاڭتار وقيعاسىنان كەيىن مەملەكەتكە وپاسىزدىق جاساعانى جانە بيلىكتى باسىپ الماق بولعانى ءۇشىن 18 جىلعا سوتتالعان.
پىكىر قالدىرۋ