ماڭعىستاۋ وبلىسى بويىنشا سىبايلاس جەمقورلىققا قارسى قىزمەت "قازاق گاز وڭدەۋ زاۋىتى" ج ش س ديرەكتورىنا قاتىستى سوتقا دەيىنگى تەرگەۋ جۇرگىزىپ جاتقانىن حابارلادى.
ول اۋكسيون وتكىزبەستەن زاڭسىز ساتۋ ارقىلى كاسىپورىننىڭ مۇلكىن اسا ءىرى مولشەردە جىمقىردى دەگەن كۇدىككە ىلىنگەن.
زالال سوماسى 65 ملن تەڭگەدەن اسادى.
بۇگىندە كۇدىكتى سوتتىڭ سانكسياسىمەن قاماۋعا الىنعان، تەرگەۋ جالعاسىپ جاتىر.
انتيكور كۇدىكتىنىڭ ءاتى-جونىن جاريالامادى. بەلگىلىسى "قازاق گاز وڭدەۋ زاۋىتى" ج ش س ديرەكتورى قىزمەتىن 2023 جىلعى اقپاننان بەرى بولات بايشۋاقوۆ اتقارىپ كەلەدى.
پىكىر قالدىرۋ