پرەمەر-مينيستردىڭ ورىنباسارى تامارا دۇيسەنوۆا "Digital Kazakhstan: زاماناۋي ءبىلىم بەرۋ" رەسپۋبليكالىق تامىز سامميتىندە كوللەدجدى ۇزدىك بىتىرگەن ستۋدەنتتەردى ەمتيحان قابىلداماستان ۋنيۆەرسيتەتكە قابىلداۋدى ۇسىندى.
ونىڭ ايتۋىنشا، قازاقستاندا مۇنداي تاجىريبە بۇرىن بولعان ءارى ول جەمىسىن بەرگەن. بۇل ءۇشىن جوعارى وقۋ ورىندارى مەن كوللەدجدەردىڭ ءبىلىم بەرۋ باعدارلامالارى اراسىنداعى ساباقتاستىقتى قامتاماسىز ەتۋ قاجەت.
"مىسالى، بۇعان تارتىلعان بەدەلدى جوعارى وقۋ ورىندارى جوعارى دەڭگەيدەگى ينجەنەرلەردى دايارلاسا، وندا كوللەدجەر تيىسىنشە تەحنيكتەرمەن، تەحنولوگتارمەن، جاڭا بۋىن مەحانيكتەرىمەن جوو-نى تولىقتىرۋعا ءتيىس. مۇندا بۇرىن تەحنيكۋمداردى ۇزدىك اياقتاعان تۇلعالار جوو-نىڭ ءۇشىنشى كۋرسىنا ەمتيحانسىز قابىلدانعانىن ەسكە سالعىم كەلەدى. بۇل تاجىريبە مامانداردىڭ بىلىكتىلىگىنە قويىلاتىن جاڭا تالاپتاردى ەسكەرە وتىرىپ، جاڭارتىلۋى ءتيىس"، – دەدى تامارا دۇيسەنوۆا.
دەرەككەز: قازاقپارات
پىكىر قالدىرۋ