بيىل 20 شىلدەدە قاراعاندىداعى "YDD Corporation" ج ش س فەرروقورىتپا زاۋىتىندا بولعان اپاتتى تەرگەۋ ءۇشىن قۇرىلعان ارنايى كوميسسيا كىنا جۇمىس بەرۋشىدەن ەكەنىن انىقتادى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى حابارلادى. 

"كاسىپورىندا تراۆماتيكالىق فاكتورلاردىڭ اسەرىن بولدىرماۋ ءۇشىن شۇعىل شارالار ءتيىستى دارەجەدە قابىلدانباعانى، ءقاۋىپسىز ەڭبەك جاعدايلارى مەن قىزمەتكەرلەردىڭ ەرەجەلەردى، نۇسقاۋلىقتاردى جانە تەحنولوگيالىق ءتارتىپتى ساقتاۋىن باقىلاۋ ەلەمەنتتەرى ءتيىستى دارەجەدە جاسالماعانى انىقتالدى" – دەلىنگەن رەسمي مالىمدەمەدە. 

تەرگەۋ ناتيجەلەرى جانە جينالعان بارلىق ماتەريالدار جازاتايىم وقيعاعا كىنالى دەپ تانىلعان ادامداردى جاۋاپقا تارتۋ ءۇشىن قۇقىق قورعاۋ ورگاندارىنا بەرىلەدى.

ەسكە سالا كەتسەك، 20 شىلدەدە قاراعاندىداعى فەرروقورىتپا زاۋىتىندا اپات بولىپ، سالدارىنان 8 جۇمىسشى كۇيىپ قالعان بولاتىن. زارداپ شەككەن جۇمىسشىلاردىڭ تورتەۋى قازا تاپقان ەدى.