بريفينگتە ب ا ق وكىلى قور باسشىسىنان "مامس-كە اۋدارىلاتىن جارنا قاراپايىم ازاماتتاردىڭ تابىسىنىڭ 2 پايىزىنان الىنادى. ءبىراق بۇل تالاپ ايلىعى 850 مىڭ تەڭگەدەن اساتىن ادامدارعا جۇرمەيدى. ويتكەنى 850 مىڭ تەڭگەدەن ارتىلعان سومادان ءمامس جارناسى الىنبايدى. ءبىز ەڭبەك ءوتىلى جوعارى مينيسترلەر مەن اكىمدەردىڭ 1،2 ملن تەڭگەگە دەيىن ايلىق الاتىنىن بىلەمىز. ياعني، ولار ءمامس جارناسىنا وسى 1،2 ملن تەڭگەنىڭ 2 پايىزىن ەمەس، 850 مىڭ تەڭگەنىڭ 2 پايىزىن عانا تولەيدى. بۇل ادىلەتسىز دەپ ويلامايسىز با؟" دەپ سۇرادى.

ول جاۋاپتى مەملەكەتتىك ورگاندار دەنساۋلىق ساقتاۋ مينيسترلىگى ۇسىنىپ وتىرعان جاڭا وزگەرىستى ماقۇلداۋ كەرەكتىگىن جەتكىزدى.

- ول راس، ءمامس جارناسى ازاماتتىڭ ايلىعى 850 مىڭ تەڭگەدەن اسسا، ونىڭ ۇستىنەن تولەنبەيدى. جالپى ءقازىر دەنساۋلىق ساقتاۋ مينيسترلىگىندە وسى ماسەلە قاراستىرىلىپ جاتىر. مينيسترلىك تاراپىنان ۇسىنىس بار. ءبىزدىڭ قور دا ءوز ەسەپتەرىن بەردى. بولاشاقتا باسقا مەملەكەتتىك ورگاندار قولدايتىن بولسا، زاڭدىق باستاما رەتىندە ۇسىنىس ەنگىزىلەتىن بولادى، - دەدى سقاقوۆ.

بۇل ۇسىنىس 850 مىڭ تەڭگەلىك شەكتى 4،5 ملن تەڭگەگە دەيىن كوتەرۋدى كوزدەيدى.

- ءقازىر شەكتى مولشەر 10 مينيمالدىق ايلىق بولسا، سونى 50 مينيمالدىق ايلىققا دەيىن كوتەرۋ ۇسىنىلىپ وتىر. ياعني 850 مىڭ تەڭگەدەن 4،5 ملن تەڭگەگە دەيىن كوتەرۋ ماسەلەسى قاراستىرىلىپ جاتىر، - دەدى ول.