ايتبەك امانگەلدى سىنىپتاستارى جەزوكشەلىكپەن اينالىسۋعا ماجبۇرلەگەن قىزىلوردالىق 16 جاستاعى وقۋشى قىزعا قارجى جيناپ بەردى. بۇل تۋرالى ول الەۋمەتتىك جەلىدەگى پاراقشاسىندا جازدى.
"قىزىلوردالىق قىزعا كومەكتەسۋ ءۇشىن قىزدىڭ اتا-اناسىمەن، قورعاۋشىلارمەن بىرلەسە وتىرىپ جۇمىس جاسايمىز. 14-17 تامىز ارالىعىندا كومەك رەتىندە اقشا جيناعان بولاتىنبىز، قارجى قىزدىڭ اپكەسىنە ايداعا جىبەرىلدى. قازىرگى تاڭدا اقشا جيناۋ توقتاتىلدى. ءبارىنىڭ ەسەبىن بەرەمىز. ەكى جارىم كۇننىڭ وزىندە 17 984 909 تەڭگە جينالدى"، - دەيدى ايتبەك امانگەلدى.
ول اقشا نە ءۇشىن جۇمسالعانىن كەز كەلگەن ادام قۇجاتتان كورە الاتىنىن جەتكىزدى.
"جينالعان قارجى نە ءۇشىن جۇمسالىپ جاتقانىن اشىق كورسەتۋ ءۇشىن ارنايى كەستە دايىندادىم. قىزدىڭ اتا-اناسى كۇن سايىن كەستەنى تولتىرىپ، قارجىنىڭ قايدا جۇمسالىپ جاتقانىنا ەسەپ بەرۋگە مىندەتتەلدى. قۇجاتتى كەز كەلگەن ادام كورە الادى"، - دەيدى ايتبەك امانگەلدى.
ەسكە سالايىق، تامىز ايىنىڭ باسىندا "نەمولچي" قورىنىڭ جەتەكشىسى دينا ءتاڭسارى 16 جاستاعى وقۋشى قىزدى سىنىپتاستارى سەكس-قۇلدىققا سالعانىن مالىمدەدى. كەيىننەن ب ا ق بەتتەرىندە قىزدىڭ اناسىنىڭ كومەك سۇراعان حابارلاماسى تاراعان بولاتىن.
پىكىر قالدىرۋ