«دۇنيەجۇزىلىك كوشپەندىلەر ويىنى ەلىمىز ءۇشىن ۇلكەن يميدجدىك جوبا بولماق. بۇل ويىن تۇركى جۇرتىن ودان ءارى بىرىكتىرەدى». ق ر توعىزقۇمالاق فەدەراسياسى قامقورشىلار كەڭەسىنىڭ مۇشەسى دۋلات تاستەكەي استانادا وتەتىن V دۇنيەجۇزىلىك كوشپەندىلەر ويىندارى تۋرالى پىكىرىن ءبىلدىردى.

– دۇنيەجۇزىلىك كوشپەندىلەر ويىندارى ەلىمىزدە وتكەن قىسقى ازيا ويىندارى مەن ۋنيۆەرسيادا ويىندارىمەن ءبىر قاتاردا تۇراتىن ايتۋلى شارا. قازاقستاندا وتكىزىلۋى ۇلتتىق ويىندارىمىزعا جاڭا لەپ اكەلىپ، ۇلىقتالاتىنىنا قۋانىشتىمىن. بۇل ويىنداردان سوڭ، بابادان قالعان ۇلتتىق سپورتىمىز جاڭعىرىپ، داميتىنىنا سەنىمدىمىن. دۇنيەجۇزىلىك كوشپەندىلەر ويىنى ەلىمىز ءۇشىن ۇلكەن يميدجدىك جوبا بولماق. بۇل ويىن ءتۇبى تۇركى جۇرتىن ودان ءارى بىرىكتىرەدى، – دەدى مەسەنات د. تاستەكەي.

V دۇنيەجۇزىلىك كوشپەندىلەر ويىندارى 8-13 قىركۇيەك ارالىعىندا استانا قالاسىندا وتەدى. جارىسقا الەمنىڭ 89 ەلىنەن 2800 قاتىسۋشى مەن رەسمي دەلەگاسيا مۇشەلەرى كەلەدى. سايىستىڭ 21 تۇرىنەن 97 مەدال ساراپقا سالىنادى.