ەربول مىرزابوسىنوۆ تۋريزم جانە سپورت ءمينيسترى لاۋازىمىنا تاعايىندالدى. بۇل تۋرالى اقوردا حابارلادى. 

ەربول مىرزابوسىنوۆ 1984 جىلى شىعىس قازاقستان وبلىسىندا دۇنيەگە كەلگەن.

سەمەي مەملەكەتتىك پەداگوگيكالىق ينستيتۋتىن، قازاق گۋمانيتارلىق-زاڭ يننوۆاسيالىق ۋنيۆەرسيتەتىن، قازاق سپورت جانە تۋريزم اكادەمياسىن بىتىرگەن.

ەڭبەك جولىن 2005 جىلى سەمەي مەملەكەتتىك پەداگوگيكالىق ينستيتۋتى دەنە شىنىقتىرۋ جانە سپورت تەورياسى مەن ادىستەمەسى كافەدراسىنىڭ اسسيستەنتى، جاتتىقتىرۋشى-وقىتۋشىسى بولىپ باستادى.

2009-2014 جج. – سەمەي قالاسىنىڭ مەملەكەتتىك پەداگوگيكالىق ينستيتۋتىنىڭ دەنە تاربيەسى كافەدراسىنىڭ وقىتۋشىسى؛ مەڭگەرۋشىسى.

2006-2018 جج. – "شىعىس قازاقستان وبلىستىق بۇقارالىق سپورتتاعى جوعارى سپورت شەبەرلىگى مەكتەبى" كمم جاتتىقتىرۋشى-وقىتۋشىسى.

2018-2020 جج. "قىزىلجار ارلاندارى" سپورت كلۋبىنىڭ ديرەكتورى بولىپ جۇمىس ىستەدى.

2020-2021 جج. – "Qazaq kuresi" قاۋىمداستىعىنىڭ باسقارۋشى ديرەكتورى.

2021-2023 جىلدارى دەنە شىنىقتىرۋ جانە بۇقارالىق سپورت اكادەمياسىنىڭ رەكتورى بولدى.

2023 جىلدان باستاپ سپورت كوميتەتىنىڭ ءتوراعاسى بولعان.