قىزىلوردا قالاسىنىڭ №2 سوتى ازاماتتىق نەكەدەگى ايەلىن ۇرىپ-سوعىپ وزىنە قول جۇمساۋعا دەيىن جەتكىزە جازداعان پوليسيا مايورىن سوتتادى.
تەرگەۋ ماتەريالدارىنا ساي، جابىرلەنۋشى ازاماتتىق نەكەدەگى كۇيەۋىنىڭ ۇيالى تەلەفونىنا تىركەلگەن ابونەنتتىك نومەردى ءوزىنىڭ تەلەفونىنا سالىپ، بەلگىسىز ايەلمەن سويلەسكەنىن وقىپ، ارالارىندا جانجال تۋعان.
"جانجال كەزىندە سوتتالۋشى جابىرلەنۋشىنى بالاعاتتاپ، جۇلقىلاپ، بىرنەشە رەت اياۋسىز، اسا قاتىگەزدىكپەن ۇرىپ-سوعىپ، ەدەنگە قۇلاتىپ، باسىنان شىنى بوتەلكەمەن ۇرىپ، ونىڭ ۇيالى تەلەفونىن الىپ قويعان. جابىرلەنۋشى ومىرىنە ءقاۋىپ ءتونىپ تۇرعانىن جانە ءارى قاراي ءومىر ءسۇرۋ مۇمكىندىگىنەن ايىرىلىپ قالۋىن سەزىنىپ، ازاماتتىق نەكەدەگى كۇيەۋىنىڭ ۇرىپ-سوعۋ ارەكەتتەرىنەن قۇتىلۋ ماقساتىندا قوناق بولمەدەگى لودجيادان ءوز ەركىمەن سەكىرگەن. ناتيجەسىندە، جابىرلەنۋشى ا.-نىڭ دەنساۋلىعىنا "اۋىر" دارەجەلى زيان كەلىپ، ءى توپ مۇگەدەكتىگى تاعايىندالعان" دەلىنگەن سوت حابارلاماسىندا.
سوت تالقىلاۋىندا سوتتالۋشى وزىنە تاعىلعان ايىپتى مويىنداماعان. الايدا سوت-مەديسينالىق ساراپتاماسىنىڭ قورىتىندىسى باسقانى كورسەتكەن.
سوت شەشىمىمەن ەر ادام قىلمىستىق كودەكستىڭ 105-بابى 1-بولىگى (ءجابiرلەنۋشiنi قورقىتۋ، وعان قاتىگەزدiكپەن قاراۋ ارقىلى ءوزiءن-وزi ءولتiرۋگە بارۋعا دەيiن جەتكiزۋ) بويىنشا كىنالى دەپ تانىلىپ، 1 جىل 6 اي مەرزىمگە باس بوستاندىعىنان ايىرىلىپ، ماتەريالدىق شىعىن رەتىندە 4 054 181 تەڭگە، مورالدىق زيان رەتىندە 5 000 000 تەڭگە تولەۋگە مىندەتتەلدى. سونداي-اق سوتتالۋشى "مايور" شەنىنەن ايىرىلدى.
