استانانىڭ بوتانيكالىق باعىندا بالا كۇتەتىن انالار اراسىندا اربالار شەرۋى ءوتتى. قىزىقتى ءىس-شارا باعدارلاماسىندا كاسىبي نۇسقاۋشىلار مەن انالارعا ارنالعان فيتنەس جاتتىعۋلارىمەن قوسا دەنەگە پايدالى بولاتىن باسقا دا جارىستار بولدى.

"اربالار شەرۋى اتا-انالار اراسىنداعى قارىم-قاتىناستى نىعايتىپ، جاڭا تانىسۋعا جول اشتى. ەكى ساعاتتىق شەرۋ كوپشىلىكتى قۋانتتى، ال قاتىسۋشىلار سىيلىقتارعا يە بولدى. اتاپ ايتقاندا، قاتىسۋشىلارعا بالالار دۇكەنىنە 100 مىڭ تەڭگەگە جورگەكتەر، سەرتيفيكاتتار تابىستالدى"، - دەدى استانا اكىمدىگىندە.

ۇيىمداستىرۋشىلاردىڭ ايتۋىنشا، Funny sport اياسىنداعى شەرۋ-بۇل سپورتتىق ءىس-شارا انالاردىڭ دەكرەتتىك كۇندەرىنە جارقىن تۇستەر اكەلدى جانە تابيعاتقا شىعىپ، سەرگەكتىك الۋعا مۇمكىندىك بەردى. قاتىسۋشىلاردىڭ وزدەرىنە اربالار شەرۋى ۇنادى.

"ۇيدە بالامەن بىرگە وتىرعان ايەلدەر ءۇشىن بۇل ەرەكشە وقيعا بولدى. اربادا ءبىز بالالاردى ءجيى تازا اۋاعا شىعارامىز، ءبىراق ءبارى وزدىگىنەن جۇرەدى. بۇل شەرۋ وسىنداي اتا-انالاردى جينادى. ولار ءارتۇرلى فيزيكالىق جاتتىعۋلار جاسادى، سىيلىقتار الدى. ۇيىمداستىرۋشىلارعا راحمەت"، - دەدى ەلوردانىڭ كوپبالالى اناسى اسەمگۇل جولباساروۆا.

الدا قالا تۇرعىندارىن قىزىقتى ءىس-شارالار كۇتىپ تۇر.