بۇگىن ەلوردادا كونستيتۋسيا كۇنى قارساڭىندا "وتباسى جانە مەملەكەت" تاقىرىبىندا ازاماتتارعا تەگىن قۇقىقتىق كەڭەستەر وتكىزىلدى، دەپ حابارلايدى Qamshy.kz اقپاراتتىق اگەنتتگى استانا اكىمدىگىنىڭ رەسمي سايتىنا سىلتەمە جاساي وتىرىپ.

استانالىقتارعا نۇرا اۋدانى اكىمدىگى مەن پروكۋراتۋراسىنىڭ، "قۇقىق" قوعامدىق قورىنىڭ، قالالىق ادۆوكاتتار القاسىنىڭ، ەلوردالىق ادىلەت دەپارتامەنتىنىڭ جانە باسقا دا مەكەمەلەردىڭ ماماندارى كەڭەس بەردى.

"بۇگىنگى ءىس-شارانىڭ ماقساتى-ازاماتتاردىڭ قۇقىقتىق ساۋاتتىلىعىن ارتتىرۋ. قازىرگى ۋاقىتتا كوپتەگەن ادامدار ماماندار كەڭەسىنىڭ اقىسىن تولەي المايدى. وسىعان بايلانىستى بۇگىن تۇرعىندارعا نەكەنى بۇزۋ، مۇراگەرلىك، جاردەماقى تولەۋ ءتارتىبى جانە ت. ب. ماسەلەلەرى بويىنشا كەڭەستەر بەرىلەدى.

كەلۋشىلەر ماماندارمەن بىرگە ءوز ماسەلەلەرىن تالقىلاپ، ولاردى شەشۋدىڭ جولدارىن تابا الدى. سونىمەن قاتار، ولار وزدەرىن قىزىقتىراتىن سۇراقتارعا جاۋاپ الدى.

"ءبىز وسىنداي ءىس-شارالاردى تەك استانادا عانا ەمەس، شىمكەنت، سەمەي، جەزقازعان، الماتى، قاراعاندى، اتىراۋ، اقتوبە، تۇركىستان جانە اقمولا وبلىستارىندا دا وتكىزەمىز. بۇل ءىس-شارانىڭ پايداسى كوپ. سەبەبى ازاماتتار زاڭگەرلىك تەگىن كەڭەس الىپ، ءوز قۇقىقتارى تۋرالى كوبىرەك بىلە الادى"، - دەدى "قۇقىق"قوعامدىق قورىنىڭ باسشىسى. ايتا كەتەيىك، ءىس-شارانى "قۇقىق" قوعامدىق قورى ۇيىمداستىرعان بولاتىن.