جۋرناليست قۇقىعىنىڭ ورەسكەل بۇزىلۋىنا قارسىلىق رەتىندە دەنەسىن ءتىلىپ، ارتىنشا اشتىق جاريالادى. بۇل تۋرالى ونىڭ ادۆوكاتى عالىم نۇرپەيىسوۆ Vlast.kz باسىلىمىنا حابارلاعان. 

ادۆوكات عالىم نۇرپەيىسوۆتىڭ ايتۋىنشا، زاڭ بويىنشا دۋمان مۇحامەدكارىم جازاسىن ءوزى تۇراتىن جەردە، ياعني الماتى وبلىسىندا وتەۋى كەرەك دەيدى. اپپەلياسيالىق شاعىم وزگەرىسسىز قالعاندىقتان، دۋمان ءوزىن زارەچنىي كەنتىندەگى تۇرمەگە اۋىستىرۋدى تالاپ ەتكەن. الايدا ءجۋرناليستتى الداپ، توسەگى، ورىندىعى جوق سۋىق كارسەرگە قاماپ تاستاعان.

سونداي-اق عالىم نۇرپەيىسوۆ:

-بۇل دۋماندى “سىندىرۋ ءۇشىن” جاسالىپ وتىر. دۋمان بۇعان نارازىلىق رەتىندە قولىن، موينىن جانە ءىشىن ءتىلىپ، قانمەن قابىرعاعا “ويان، قازاق” دەپ جازعان. ونى كورگەن ارنايى توپ ءجۋرناليستى كارسەردەن شىعارماستان مەديسينالىق كومەك كورسەتكەن. الايدا يزولياتور دۋماننىڭ دەنەسىن تىلگەنىن، اشتىق جاريالاعانىن تىركەمەگەن. وسى وقيعادان كەيىن ونى قايتادان كامەراعا اۋىستىرعان، - دەيدى. 

ەسكە سالساق، تامىز ايىندا دۋمان مۇحاممەدكارىم «ەكسترەميزمدى قارجىلاندىردى» جانە «تىيىم سالىنعان ۇيىم جۇمىسىنا ارالاستى» دەگەن ايىپپەن جەتى جىلعا سوتتالعان بولاتىن. جۋرناليست وزىنە تاعىلعان ايىپقا كەلىسپەي، بىرنەشە رەت قارسىلىق كورسەتىپ، اشتىق جاريالاعان. ال قاراشا ايىندا وتكەن اپەللياسيالىق سوت دۋمان مۇحاممەدكارىمنىڭ ۇكىمىن وزگەرىسسىز قالدىردى.