ۇكىمەت وتىرىسىندا سويلەگەن سوزىندە مينيستر ۆەدومستۆو قولعا العان كەلەسى قادام – وسىمدىك شارۋاشىلىعىن قاداعالاۋدىڭ جاڭا اقپاراتتىق جۇيەسىن ەنگىزۋ ەكەنىن ايتتى.

"قازىرگى جۇيەدە وسىمدىك شارۋاشىلىعى ونىمدەرىنىڭ قاداعالانۋى تەك پارتياعا ىلەسپە قۇجاتتار بەرۋ كەزىندە جۇزەگە اسىرىلادى، بۇل تولىق قاداعالاۋدى قامتاماسىز ەتپەيدى.

جاڭا سيفرلىق جۇيە اۋىل شارۋاشىلىعى ونىمدەرىنىڭ ءوندىرىس سيكلى مەن شىعۋ تەگىن "ەگىستەن داستارقانعا دەيىن" قاعيداتى بويىنشا باقىلاۋعا مۇمكىندىك بەرەدى، سونداي-اق تاسىمالداناتىن ونىمدەردىڭ قاۋىپسىزدىگى مەن قاداعالاۋىن قامتاماسىز ەتەدى. سونىمەن قاتار، وسىمدىك شارۋاشىلىعى وبەكتىلەرىنىڭ پاسپورتتاۋ جۇيەسىن ەنگىزۋ جوسپارلانىپ وتىر: ەگىستىك القاپتارى، تاريحي دەرەكتەر، ونىمدىلىك، ساقتاۋ كولەمدەرى – وسىنىڭ بارلىعى ءونىمنىڭ شىعۋ تەگىنىڭ اشىقتىعىن قامتاماسىز ەتەدى"، – دەپ ءتۇسىندىردى ساپاروۆ.

ءمينيستردىڭ ايتۋىنشا، جىل باسىنان بەرى مينيسترلىك اقمولا وبلىسىندا جوبانى تەحنيكالىق سىناقتان وتكىزۋگە كىرىسكەن.

"جۇيەنى تولىققاندى ىسكە قوسۋ ءۇشىن شامامەن 714 ميلليون تەڭگە قاجەت، بۇل سوما تەحنيكالىق تاپسىرماعا ەنگىزىلىپ، سيفرلىق دامۋ جانە اەروعارىش ونەركاسىبى مينيسترلىگىمەن كەلىسىلگەن ينۆەستيسيالىق جوبادا كورسەتىلگەن. وسىعان بايلانىستى، ولجاس اباي ۇلى (بەكتەنوۆ – ەسك.)، ۇكىمەتتەن وسى جۇيەنى جۇزەگە اسىرۋ ءۇشىن مينيسترلىككە قوسىمشا قاراجات ءبولۋدى قولداۋدى سۇرايمىن"، – دەپ ۇكىمەت باسشىسىنا ۇندەۋ جاسادى ايداربەك ساپاروۆ.