لوندوندا وتكەن "قازاقستان-ۇلىبريتانيا" ستراتەگيالىق ديالوگى شەڭبەرىندە ەڭبەك جانە حالىقتى الەۋمەتتىك قورعاۋ مينيسترلىگى مەن ۇلىبريتانيانىڭ ەڭبەكتەگى قاناۋ مەن زاڭنامانى بۇزۋعا قارسى ءىس-قيمىل قىزمەتى اراسىندا ىنتىماقتاستىق تۋرالى مەموراندۋمعا قول قويىلدى. قۇجات تاراپتاردىڭ ەڭبەك كوشى-قونى سالاسىنداعى ءوزارا ءىس-قيمىلىن كوزدەيدى.
مەموراندۋمعا سىرتقى ىستەر ءمينيسترىنىڭ ورىنباسارى رومان ۆاسيلەنكو مەن ۇلىبريتانيانىڭ ەۋروپا، سولتۇستىك امەريكا جانە شەت ەلدەر ىستەرى جونىندەگى مەملەكەتتىك ءمينيسترى ستيۆەن داۋتي قول قويدى.
قۇجات بويىنشا تاراپتار كەلىسىمى:
- ۇلىبريتانيا اۋماعىندا قازاقستاننىڭ ازاماتتارىن ۋاقىتشا جۇمىسقا ورنالاستىرۋ شارتتارى مەن راسىمدەرى تۋرالى اقپارات الماسۋ؛
- قازاقستاننان ەڭبەك قىزمەتى ءۇشىن ۇلىبريتانياعا جۇمىسكەرلەردى جىبەرەتىن جەكە جۇمىسپەن قامتۋ اگەنتتىكتەرىنىڭ قىزمەتى تۋرالى اقپارات الماسۋ، سونداي-اق قابىلداۋشى مەملەكەتتىڭ زاڭناماسىنا سايكەس ولاردىڭ قىزمەتىن راستاۋ؛
- قازاقستان ازاماتتارىنىڭ ۇلىبريتانيا اۋماعىنداعى ەڭبەك قىزمەتى كەزەڭىندە، ونىڭ ىشىندە تier-5 ماۋسىمدىق جۇمىس ۆيزاسى (seasonal worker visa) شەڭبەرىندە ەڭبەك جانە الەۋمەتتىك قۇقىقتارىن قامتاماسىز ەتۋگە جانە قورعاۋعا باعىتتالعان ءوزارا ىنتىماقتاستىق؛
- سۇرانىسقا يە جۇمىسشى ماماندىقتارى جانە قازاقستان ازاماتتارىنىڭ قاجەتتى كاسىپتىك دايارلىعى تۋرالى اقپارات الماسۋ.
مەموراندۋمعا قول قويۋ – قازاقستان مەن ۇلىبريتانيا اراسىنداعى ەڭبەك قۇقىقتارىن قورعاۋ سالاسىنداعى ىنتىماقتاستىقتى نىعايتۋ جولىنداعى ماڭىزدى قادام.
پىكىر قالدىرۋ