الماتى پوليسياسى مالىمدەمە جاسادى.

الماتى قالالىق پوليسياسى بالالاردىڭ قاتىسۋىمەن بولاتىن جول-كولىك وقيعالارىنىڭ كوبەيگەنىن ايتىپ دابىل قاعۋدا. وكىنىشكە قاراي، كەي جاعدايدا مۇنداي قايعىلى وقيعالار كامەلەتكە تولماعانداردىڭ ولىمىمەن اياقتالادى.

"ءبىزدى بالالاردىڭ جول بويىندا ەرەسەكتەردىڭ قاراۋىنسىز قالىپ قوياتىنى جانە جول قاۋىپسىزدىگىنىڭ قاراپايىم داعدىلارىن بىلمەيتىندىگى الاڭداتادى. بۇل - اتا-انالار مەن زاڭدى وكىلدەرىنىڭ نەمقۇرايلىلىعى مەن سالعىرتتىعىنىڭ سالدارى. بالالاردى قاراۋسىز قالدىرماۋعا شاقىرامىز! ەسىڭىزدە بولسىن، ءبىر ءسات - ورنى تولماس نارسە بولۋى مۇمكىن. بالانىڭ قاۋىپسىزدىگى - ءسىزدىڭ تىكەلەي جاۋاپكەرشىلىگىڭىز!" – دەدى، الماتى قالالىق پد انىقتاۋ باسقارماسىنىڭ باستىعى ەرجان شايحييەۆ.

سونداي-اق پوليسيا، ق ر اقبتك-نىڭ 127-بابىنا ەنگىزىلگەن وزگەرتۋلەرگە سايكەس، بالالاردىڭ قاۋىپسىزدىگىن قامتاماسىز ەتۋ جونىندەگى مىندەتتەردى ورىنداماعانى ءۇشىن جاۋاپكەرشىلىك ەندى اتا-انالار مەن زاڭدى وكىلدەرگە جۇكتەلەتىنىن ەسكە سالدى.

"ءاربىر اتا-انا ويلانسىن: مەن بالامنىڭ امان، دەنى ساۋ بولۋى ءۇشىن ءبارىن جاسادىم با؟ قامقورلىعىمىزدى ەرتەڭگە قالدىرماي، بۇگىننەن باستاپ بالالارىمىزدى ايالايىق"، - دەدى الماتى قالالىق پد انىقتاۋ باسقارماسىنىڭ باستىعى ەرجان شايحييەۆ.