Bul dúnıede bizdiń bir ǵana Otanymyz bar, ol – táýelsiz Qazaqstan.

Elińniń uly bolsań, elińe janyń ashysa, azamattyq namysyń bolsa, qazaqtyń ulttyq jalǵyz memleketiniń nyǵaıyp-kórkeıýi jolynda jan terińdi syǵyp júrip eńbek et. Jerdiń de, eldiń de ıesi óziń ekenińdi umytpa!

El týraly jaǵdaı oılaý da, halyqtyń taǵdyrymen oınaý da túbi jaqsylyqqa aparmaıdy.

Jer taǵdyry – el taǵdyry.

Osyndaı alyp aýqymdy aýmaǵy men osyndaı baı tarıhy bar qazaq halqy baqytty ári juldyzy da joǵary.

Kóptegen elderdi araladym. Tabıǵaty ǵajaıyp talaı ólkeniń sulýlyǵyna kóz qumarymdy sýardym. Biraq, bári de ózim týyp-sóken qazaǵymnyń jerine, Alataýdyń bir bókterine jasbastaı jyǵylǵan úsh qońyr tóbege jetpedi. Balalyǵymnyń, saǵynyshymnyń altyn qazyǵy sonda eken…

Qazaqtyń qasıetti jeriniń asty da – baılyq, ústi de – baılyq.

Jerden ótken baılyq joq: jer bolsa – el bolady, el bolsa – er bolady.

Qazaq halqy – tamyryn jeti qabat jer astyna jibergen alyp báıterekteı ózegin ǵasyrlar tereńine tartyp, osynaý qasıetti uly dalasynan taban aýdarmaı, daýyldarmen alysyp, taǵdyrymen qarysyp, ósip-órkendep kele jatqan baıyrǵy halyq.

Qazaq dalasy – Uly Túrki eliniń qara shańyraǵy.

Kez kelgen memlekettiń qýaty – halqynda.

Tilge degen kózqaras, shyndap kelgende elge degen kózqaras.

Qazaq qazaqpen qazaqsha sóılessin.

Ana tili – bárimizdiń anamyz, óıtkeni, ol ultymyzdyń anasy.

«Jyldar men Oılar» jınaǵy, «Almatykitap» baspasy, 2013 jyl.