Almaty ýnıversıtetinde «Bolashaq mamandardyń ǵylymı-zertteý mádenıetin qalyptastyrý» atty stýdentter men jas ǵalymdardyń II-respýblıkalyq ǵylymı-praktıkalyq konferensıa bólip ótti, - dep habarlaıdy Qamshy.kz.

Konferensıanyń saltanatty ashylýynda ýnıversıtet rektory Shildebaı Sábıt Qamytbekuly:

-  Qurmetti, konferensıaǵa qatysýshy oqytýshylar men stýdentter! Almaty ýnıversıteti «Bolashaq mamandardyń ǵylymı-zertteý mádenıetin qalyptastyrý» atty konferensıany bıylǵy jyly osymen ekinshi ret ótkizip otyr. Bizdiń basty maqsatymyz-jastardyń ǵylymǵa degen qulshynysyn arttyrý. Búgingi sizderdiń jasaıtyn baıandamalaryńyz ertengi kúni sizdiń ǵylymǵa engizer jańalyǵyńyz bolýy ábden múmkin. Ol úshin tańdaǵan taqyrybymyzdy ǵylymı aınalymǵa túsirip, bastaǵan isimizdi sońyna deıin jetkizýimiz kerek. Búgingi konferensıaǵa qatysý-ol sizderdiń ǵylymǵa basqan alǵashqy qadamdaryńyz dep bilemin. Bolashaqta qazaq ǵylymyna aıanbaı ter tókken bilikti maman bolýlaryńyzǵa tilektestik bildiremin»,-dep sóz sóıledi.

Ashylý rásiminen keıin plennarlyq otyrysta baǵdarlama boıynsha ózekti degen taqyryptar boıynsha baıandama tyńdaldy.  Alǵashqy sóz Semeı qalasynyń Shákárim atyndaǵy memlekettik ýnıversıtetinen kelgen qonaqtarǵa berildi. Atalǵan JOO «Bastaýysh oqytýdyń pedagogıkasy men ádistemesi» mamandyǵynyń 3 kýrs stýdenti Berikbolqyzy Jadyra «Qazirgi kezdegi álem-ınternetke táýeldilik» taqyrybynda, «Psıhologıa» mamandyǵynyń 2 kýrs stýdenti Malıkramova Aqbota «Stýdent tulǵasynyń motıvasıalyq aımaǵy zertteý máselesi retinde» atty taqyrypta sóz qozǵady. Almaty ýnıversıtetiniń  «Bastaýysh oqytýdyń pedagogıkasy men ádistemesi» mamandyǵynyń 3 kýrs stýdenti Qabdyrahmanova Araılym «Ózindik jumys arqyly bastaýysh synyp oqýshylarynyń tanymdyq qabiletin damytý» taqyrybynda úlken másele kóterdi.

Tústen keıin seksıalyq otyrysta da mamandyq boıynsha baıandamalar tyńdaldy. Sóıtip jeńimpazdar anyqtaldy. Konferensıanyń saltanatty jabylýynda konferensıaǵa qatysýshylardy jáne jeńimpazdardy ýnıversıtet rektory marapattady.