Ońtústik Qazaqstan oblysy Saıram aýdanynyń Qarabulaq aýlynda buryn el estimegen jaǵdaı oryn aldy. Aýylǵa Ózbekstannan kóship kelgen 25 jastaǵy azamatsha ótken jyly bir ǵana tamyz aıynda aýyldyń 92 erkegi ózin zorlaǵanyn aıtqan, - dep habarlaıdy «Qamshy» portaly «Vremá» basylymyna silteme jasap.

Osy máselege oraı basylym aýyldyń ekige jarylǵanyn jazady. Birinshi top, áıel zorlady degen aıyp taǵylǵandar bolsa, ekinshi top – birinshi topqa kez-kelgen ýaqytta qosylyp ketýi múmkin ózge erkekter. Shaǵymdanýshy sondaı-aq, aýyl erkekterinen jynystyq aýrý juqtyrǵanyna da shaǵymdanǵan.

Ózbek kelinshektiń «qarmaǵyna» túskenderdiń eń úlkeni 78 jasta kórinedi. Odan bólek jasy 70-ten asqan birneshe qarıa da kúdiktiler qataryna ilikken.

Jaǵa ustatarlyq qylmystyń mán-jaıyn anyqtaý úshin polısıa «kúdiktilerdi» eki avtobýsqa (!) tıep, teri-venerologıalyq dıspanser zerthanasyna aparǵan. Abyroı bolǵanda, 92 kúdiktiniń qanynan shaǵymdanýshy juqtyrǵan aýrý belgileri tabylmaǵan. Esesine Saıram aýdandyq İİB tekserip jatqan isti OQO İİD aldyrtyp, zerttegen. Oblystyq polıseıler 28 jastaǵy Ózbekstan azamatshasynyń azamattyq nekedegi kúıeýimen birge osyndaı aryz jazyp, er azamattardan aqsha bopsalap kelgeni anyqtalǵan.