Búgin ıaǵnı mamyrdyń 19 kúni Ál-Farabı atyndaǵy QazUÝ bıologıa jáne bıotehnologıa fakúltetiniń bıofızıka jáne bıomedısına kafedrasy «G-Global» ınteraktıvti alańynyń Vırtýaldy jobasy boıynsha sheteldik ýnıversıtetter men ǵylymı ortalyqtardyń ǵalymdary, mamandarymen zamanaýı bıomedısınanyń ózekti máselelerin talqylaý maqsatynda «Bıomedısınanyń máseleleri» taqyrybynda onlaın vıdeokonferensıasyn ótkidi, - dep habarlaıdy Qamshy.kz.

Atalmysh vıdeokonferensıada gerontologıanyń qazirgi máseleleri, fıtoterapıa máseleleri, hronomedısına máseleleri, qaterli isik dıagnostıkasy jáne emdeýdiń bıofızıkalyq ádisteri baǵyttary boıynsha máseleler qarastyryldy. 

Onlaın vıdeokonferensıaǵa hronomedısına jáne bıomedısına salasynda eńbek etip júrgen otandyq ǵalymdar men qatar sheteldik ǵalymdarda qatysty.

Bıofızıka jáne bıomedısına kafedrasynyń meńgerýshisi, bıologıa ǵylymdarynyń doktory, profesor Sultan Tóleýhanov sóz kezeginde «Qazaqstandaǵy hronomedısınanyń tarıhy, búgingi jaǵdaıy jáne bıomedısınanyń qazirgi jetistikteri jaıly» aıtyp ótti. Al Ulybrıtanıanyń Olster ýnıversıtetinen  ǵylymı zertteýshi Anar Ahmetjanqyzy «Eýropa elderindegi fıtoterapıanyń ózekti máseleleri» týraly qysqasha baıandama jasasa, RǴA Sibir bólimshesiniń sıtologıa jáne genetıka ınstıtýtynyń profesory Kolosova Natalıa hanym «Reseıdegi qazirgi fıtopreparattar men hronomedısınanyń baǵyttary jáne keıbir qordalanǵan máseleleri» tóńireginde oı qozǵady. Japonıa Jýntendo ýnıversıtetiniń qaýymdasqan profesory, medısına ǵylymdary boıynsha PhD. Ábdibek Qalıbekuly «Shyǵys Azıa elderindegi fıtoterapıa men bıomedısınanyń qazirgi jaǵdaıy» jóninde óz qózqarasyn bildirdi. Ózara pikir almasyp, ortaq ǵylymı talqy ótkizgen ǵalymdardy qyzyqtyrǵan taǵy bir taqyryp «Qazaq medısınasy» boldy. Alaıda qazaq medısınasy salasynda úlken jetistikterge jetken Qytaıdaǵy qandas-áriptesterimizdiń tehnıkalyq sebepterden baılanysqa shyǵa almaýy bul baǵyttyń qazirgi ózekti máselelerin qozǵaýǵa birshama kedergi boldy.

Onlaın vıdeokonferensıanyń sońynda uıymdastyrý tóraǵasy profesor Sultan Tóleýhanov qatysýshlardy «keńesip pishken tón kelte bolmaıdy» degendeı, bolashaqta birlikte jumys jasaýǵa shaqyrdy. Ásirese shetelde ǵylym salasynda júrgen qandastarmyzdy elge kelip qyzmet jasaýǵa, ne bolmasa damyǵan elderdegi tamasha múmkindikterdi paıdalanyp qazaq ǵylymyn qoldaýǵa úndedi.

Onlaın vıdeokonferensıanyń qysqasha barysyn tómendegi siltemeden kóre alasyzdar.

https://www.youtube.com/watch?v=gKsy3LnM7q8

Álibek Ydyrys

Ál-Farabı atyndaǵy QazUÝ bıofızıka jáne bıomedısına kafedrasy