Polısıa Pavlodar oblysynda aýyl turǵyndarymen bolǵan tóbelesti zerttep jatyr, - dep    habarlaıdy Qamshy.kz  Tengr inews.kz cilteme jasap.

Aıta keteıik, Pavlodar oblysynda bolǵan jappaı tóbelesten 15 jastaǵy mektep oqýshysy zardap shekken bolatyn. Mektepten qaıtyp bara jatqan oqýshy mektep mańynda betperde kıip alǵan adamdardyń onyń ákesi men basqa da er adamdardy uryp jatqanyn kórgen. Ol ákesine kómektespek bolǵanymen buzaqylar ony da soqqyǵa jyqqan. Saldarynan balanyń mıy shaıqalyp, aýrýhanaǵa jetkizildi.

Qoskól aýyldyq okrýgi ákimdigindegilerdiń aıtýynsha, oblystyq polısıa departamentiniń ózindik qaýipsizdik basqarmasyndaǵylar Qyzylqaq aýylynda bolǵan tótenshe jaǵdaımen aınalysyp jatyr. "Men oqıǵa bolǵan kezde aýdan ortalyǵynda boldym. Biraq kýágerlerdiń aıtýynsha, 14 qyrkúıekte tústen keıingi ýaqytta aýylǵa arnaıy bólimsheniń polıseıleri kelip ketken. Sodan aýyl turǵyndaryn soqqyǵa jyqqan. Olardyń arasynda bolǵan tóbeles vıdeoǵa túsirilip, osyǵan qatysty derek te tirkelgen", - dedi Qoskól aýyldyq okrýginiń ákimi Talǵat Bespaev.

Ákimniń aıtýynsha, aýrýhananyń kómegine bes adam men tóbeleste zardap shekken 15 jastaǵy oqýshynyń ata-anasy júgingen.

Aıta keteıik, polısıa qyzmetkerleri oqıǵanyń mán-jaıyn ázirshe aıtqan joq. Rastalmaǵan málimetterge súıensek, arnaıy bólimshe qyzmetkerleriniń aýyl turǵyndaryn uryp-soǵý sebebi olar jergilikti Qyzylqaq ózenindegi shaıandardy almaq bolǵan. "Biraq bul tal túste aýyl turǵyndaryn urýǵa sebep emes. Osy oqıǵadan buryn, ıaǵnı eki kún buryn bizge Ertis aýdandyq İİB ókilderinen turǵyndarmen túsindirme jumystaryn júrgizý qajettiligi týraly habarlama keldi. Bolǵan jappaı tóbelesten keıin, 15 qyrkúıekte biz turǵyndarmen jınalyp, árqaısysymen sóılestik. Aýyl turǵyndary olardy nelikten soqqyǵa jyqqandaryn da bilmeıdi. Barlyǵy qorqyp otyr", - dedi Talǵat Bespaev.

Sondaı-aq, jappaı tóbelesten zardap shekken 41 jastaǵy er adamnyń aýrýhanaǵa jetkizilgeni aıtylady.