Qazaqstan Prezıdenti  Nursultan Nazarbaev Almatydaǵy dástúrli ánder mýltımedıaly ortalyǵyna kelgeninde domyrada oınady,- dep habarlaıdy Qamshy.kz  Aqordaǵa silteme jasap. 
 

Sondaı-aq memleket basshysy ýnıversıtettik sporttyń halyqaralyq federasıasy ókilderimen áńgimelesip, federasıanyń tikeleı qoldaýymen Dúnıejúzilik qysqy ýnıversıadany Qazaqstannyń tabysty ótkizetinine  óz senimin bildirdi. Federasıa ókilderi Nursultan Nazarbaevqa alda bolatyn ýnıversıada aıasyndaǵy barlyq is-sharalardyń tıimdi ótýine qosqan jeke úlesi úshin alǵysyn bildirdi.

Qazaqstan prezıdentin ýnıversıada ótkennen keıin nysandardyń qalaı paıdalanylatyny týraly da habardar etti. Olar sport mektepteriniń, kásibı jáne áýesqoı komandalardyń jattyǵýlaryn uıymdastyrý ortalyqtary retinde paıdalanylady.

Sonymen qatar memleket basshysy «Dástúrli mýzyka mýltımedıalyq ortalyǵymen» tanysty. Onda Yqylas atyndaǵy halyq aspaptary mýzeıi, Á.Qasteev atyndaǵy memlekettik mýzeı, Almaty qalasynyń tarıh mýzeıi, sondaı-aq memlekettik muraǵattar qorynan alynǵan qazaq óneriniń kórnekti qaıratkerleriniń biregeı aspaptary kórermender nazaryna usynylǵan.

Nursultan Nazarbaev ortalyqqa óziniń jeke dombyrasy men áıgili kúıshi Dına Nurpeıisovaǵa arnalǵan «Dala áýenderi» atty músindi tartý etti.