Aqtoty Raıymqulova QR mádenıet jáne sport vıse-mınıstri bolyp taǵaıyndaldy, - dep habarlaıdy  Qamshy.kz  Tengrinews.kz- ke silteme jasap.

"Qazaqstan Respýblıkasy Úkimetiniń Qaýlysymen Aqtoty Raıymqulova QR Mádenıet jáne sport mınıstrliginiń vıse-mınıstri bolyp taǵaıyndaldy", - delingen habarlamada.

Aqtoty Rahmetollaqyzy Raıymqulova Qurmanǵazy atyndaǵy Almaty memlekettik konservatorıasynyń kompozısıa jáne fortepıano mamandyqtary boıynsha túlegi. Kóptegen mýzykalyq týyndylardyń avtory, olardyń ishinde "El baqyty", "Apple of Peace", "Kókjal qantatysy", "Tolǵaý", "Dala syry" jáne "Jámılá", sımfonıalyq poemalarynyń, "Aspan kóshi" eki aktili baleti, "Alataý" pesasy, "Sonǵy sezim", "Tuzdy shól", "Abaı", "Eńlik-Kebek", "Abylaıhan", "Adam balasy Qaıyn", "Estaıdyń Qorlany", "Gamlet", "Qorqyttyn kóri", 'Syǵan serenadasy" sekildi spektáklderge mýzykalyq týyndylardyń, fılmder men serıaldarǵa saýndtrekterdiń avtory.

Túrli jyldary Qurmanǵazy atyndaǵy Almaty memlekettik konservatorıasynyń konsertmeıteri jáne oqytýshysy, Qazaq memlekettik qyzdar pedagogıgalyq ınstıtýtynyń oqytýshysy bolyp qyzmet etti. QR Mádenıet mınıstrliginiń Mádenıet isteri komıtetiniń tóraıymy boldy. 2014 jyldan bastap Qazaqstan Respýblıkasy Mádenıet jáne sport mınıstrliginiń Mádenıet jáne óner isteri departamentiniń dırektory qyzmetin atqardy.