Astana qalasynda toıǵa baryp, toı toılap, iship-jep, artynan qymbat telefondardy ıesiniń qolynan alyp ketetin alaıaqtar shyǵa bastaǵan,-dep habarlaıdy Qamshy.kz. Bul týraly  óziniń Facebook paraqshasynda Aısulý Qarataı esimdi qyz jazyp, tipti alaıaq urynyń sýretin jarıalap, bylaı dep qoıǵan: « Astana turǵyndarynyń nazaryna!  Myna jas jigitti izdep júrmiz. 1.10.2016  jyl Úılený toıda «Ózimizdiń tanys adamdaı bolyp júrdi». Bárimizde onyń bireýdiń týysy bolar dep oıladyq. Kesh boıy kóńil kóterip, jastar úshin  qýanyp  júrdi.  Toı sońynda qońyraý shalý úshin 2 adamnyń qymbat telefondaryn surap  alyp, joq bolyp ketken ( toıda adamdar óte kóp boldy, taǵy kimderdiń zardap shekkenin bilmeımiz). Sodan beri bizde onyń tek kóńildi «sýretteri» ǵana qaldy. Eger ony toılarda kórgen bolsańyzdar, habarlasýlaryńyzdy suraımyn! Toıdaǵy adamdar tizimin tekserýdi umytpańyzdar!» .