Ońtústik Qazaqstan oblysynyń ákimi Janseıit Túımebaev Fransıadan kelgen qonaqtar aldynda uıalyp qalǵan, -dep habarlaıdy Nur.kz saıty.  

Ákimdik qyzmetke kiriskenine kóp ýaqyt óte qoımaǵan Janseıit Túımebaev Fransıa elinen kelgen delegattarmen kezdeskende yńǵaısyz jaǵdaıǵa tap bolǵan. Bul týraly ol Shymkentte ótken oblystyq jastar forýmynda aıtyp berdi.

"Jaqynda Fransıa Elshisi keldi. Qalany aralap shyqty. Kóshede qýrap ketken aǵashtardy kórip, "Aǵashtarǵa ne bolǵan?" dep surady. "Aýyryp qalyp edi" dep jaýap berdim", - dedi Túımebaev.

Odan ózge aımaq basshysynyń aıtýynsha, Shymkent kóshelerindegi sur tústen kóz súrinetin jol jıekterindegi jasandy bógetter, aryqtar da sheteldik qonaqty tań qaldyrypty. Qadirli meıman Shymkenttiń bul keıpin qala soǵysqa daıyndalyp jatyr dep oılapty.

Esterińizge sala keteıik, buǵan deıin aımaq basshysy Janseıit Túımebaev Shymkent ákimin kógaldandyrý jumystary boıynsha synap, Ábdirahymovtyń orynbasary jasaǵan baıandamany qabyldamaı qoıdy.  Tipti keıbir sheneýnikterdi ornynan turǵyzyp qoıyp urysyp tastady. Tek qana kógaldandyrý emes, qala kórkin retteý jumystaryna da kóńili tolmaǵan Túımebaev myrza jaýaptylarǵa qoldarynan kelmese, ornyn bosatý kerektigin eskertti. Ol az degendeı oblys ákimi qonaqtardy alyp baratyn jerlerdiń de joqtyǵyn nazarǵa aldy.

"Qalaǵa qonaqtar kóp kelip jatyr. Men sizderge aıtaıyn, eshqandaı uıalmaı alyp baratyn jerimiz qazir tek qana Rixos qonaqúıi. Áýejaı daıyn emes, jol daıyn emes. Túsindińizder me? Eski úılerdiń syrtqy kelbetin rettep, jańa úıler salarda birkelkilikke mán berý kerek", - dep ashýlandy Janseıit Túımebaev.