Atyraýlyq eks-polıseı Manarbek Óteýovtiń hatynda attary atalǵan 8 polıseıdiń tórteýine sot úkim kesti dep habarlaıdy ktk.kz. Bulardyń barlyǵy da óz kinálaryn moıyndap, memlekettik aıyptaýshymen prosesýaldyq kelisimge kelgen. Al ózge 4 eks-polıseıge qatysty úkimi erteń shyǵady dep kútilýde.

Naqtyraq aıtqanda, aǵa anyqtaýshy Aleksandr Kım men anyqtaýshy Aslan Haırýllınniń árqaısysy shartty túrde 2 jyldan arqalasa, jedel ýákilder Azıdolla Baıanov – 2 jarym, Álı Qabdeshev – 3 jylǵa bas bostandyqtarynan aıryldy. Aıta keteıik, bularǵa qatysty qylmystyq istiń qozǵalýyna sebepshi bolǵan – Manarbek Óteýovtyń ózine 4 bap boıynsha kiná taǵylǵan bolatyn. Sýdıa bul joly ony 5 jylǵa bas bostandyǵynan aıyrdy. Biraq oǵan munyń aldynda kesilgen 22 jyl sol kúıi qaldyryldy. Qylmystyq Kodekstiń 6 túrli aýyr babymen aıyptalǵan jalpy 9 polıseıdiń isi 28 tomdy quraǵan. Al bulardyń basshylary – Atyraý qalalyq krımınaldyq polısıa bastyǵy Nurbolat Qabdeshev pen aǵa jedel ýákil Beıbit Shaltenovtiń isi bólek qaralyp jatyr.