Qytaıdyń Sychýan ólkesinde ózin «mag» dep jarıalaǵan ekeý aýyldastaryna kómek kórsetpekshi bolady. Áıel uzaq jyldar aýyryp júrgen. Jańaǵy eki «emshi» aýyldasyna ishinde qaınaǵan sýy bar aǵash bóshkeniń ishinde otyrýǵa keńes beredi. Ózderi bolsa bóshkeni otqa qoıǵan da aqyryndatyp qaınatyp otyrǵan. Rıtýal barysynda áıel shydamaı qatty aıǵaılaǵan. Ony jan-jaqtaǵylardyń bári estigen. Biraq eki «emshi» bul daýys emdelýshiniń emes, jyndardyń daýysy dep rıtýaldy toqtatýǵa ruqsat bermegen. Bóshkeden shyqqannan keıin ol jan qınalysyna shydamaı dárigerler kelgenshe sol jerde jan tapsyrady. Bul týraly «Lenta.Ru» saıty qytaılyq Chinanews.com portalyna silteme jasaı otyryp habarlady.

Derekkózde álgi áıel naqty qandaı dertke shaldyqqany aıtylmaıdy. Aýyldastarynyń «emshimin» degen sózine sengen áıel amal joqtan sondaı áreketke barǵan desedi. Jergilikti polısıa adam ólimine sebepshi bolǵan eki alaıaqty temir torǵa qamady. Jaqyn arada olarǵa qatysty sheshim de shyǵarylatyn bolady.