Búgin tańǵy ýaqytta polıseılerge qarsylyq kórsetken BMW júrgizýshisiniń qanynan esirtki zaty tabylǵan, - dep habarlaıdy Tengrinews.kz

Almaty qalalyq İİD baspasóz qyzmetindegilerdiń aıtýynsha, er adamnyń qanynan morfın esirtki zatynyń izderi anyqtalǵan.

"Saraptamadan qannan morfınniń bar ekenin anyqtadyq. Júrgizýshi "Júrgizýshiniń kólik quralyn alkogóldik, esirtkilik jáne (nemese) ýytqumarlyq masań kúıde basqarýy, sol sıaqty kólik quralyn alkogóldik, esirtkilik jáne (nemese) ýytqumarlyq masań kúıdegi adamnyń basqarýyna berý" baby boıynsha jaýapkershilikke tartylady. İs sotqa joldanady", - dedi İİD ókilderi.

Sonymen qatar, oqıǵa kezinde ınspektorlardyń biriniń aıaǵy jaraqattanǵany belgili boldy. Júrgizýshi polısıa ınspektoryn qaǵý boıynsha da aıypty dep tanylýy múmkin.

Eske salaıyq, osyǵan deıin Almaty qalalyq İİD ókilderi júrgizýshini polıseılerdiń jolaq erejesin buzǵany úshin toqtatpaq bolǵanyn habarlaǵan edi. 

"Tóle bı-Ássaýı qıylysynda tańǵy saǵat 8.20 shamasynda jol-patrýldik polısıasy ekıpajy jol qozǵalysy erejesin buzǵan BMW júrgizýshisin baıqaǵan. Toqtaý týraly buıryq berildi, biraq júrgizýshi talapqa moıynsynbaı, jyldamdyqty arttyrdy. Sondyqtan polıseıler onyń artynan qýdy. Nátıjesinde ol Iassaýı-SHalápın qıylysynda ustaldy", - dep habarlaǵan edi qalalyq İİD ókilderi.