Úndistandyq Kaılash Sıngh 1974 jyldan beri jýynbaımyn dep sheshim qabyldaǵan eken. Bundaı rásim arqyly uldy bolatynyna senimdi. Ol bir kezderi din qyzmetkerlerimen aqyldasyp sheshim qabyldaǵanyn, sondaı-aq, olar Kaılash Sınghqa jýynbaı, ári shashyńdy almaı júrseń uldy bolasyń dep kóndirgenin aıtty.
Búgingi kúni eń jaǵymsyz ıisti adam uzyndyǵy 1,82 metr bolatyn shańǵa qaqtalǵan shashymen ómir súrip keledi. Osyǵan qaramastan, jeti qyzdyń ákesi atandy, biraq uldy bola almady. Sonda da erte me, kesh pe, uldy bolam ba degen senimmen Kaılashtyń óz ustanymdarynan bas tartar túri joq. Óziniń jasy 66-da, áıeli 60-ta, erli-zaıyptylardyń ul turmaq, endigi balaly bolýlary da ekitalaı. Alaıda, er adam kelesi ómirde ǵana denesine sý tıgizetinin basa aıtyp otyr.
Kaılash Sınghtyń aınalasyna da úlken kedergi týǵyzatyny anyq. Sýyq klımatty aımaqta ómir súrse nemese úıinen shyqpaıtyn adam bolsa jón eken, bul adam tańnan keshke deıin sharshaǵansha jumys isteıdi, mal jaıylymynda júredi. 47 gradýs ystyq klımatta ómir súretin Kaılash Stnghtyń jaǵymsyz ıisi búkil aýylǵa jaıylady.
Kaılashtyń áıeli Kalavatı Devıge jubaıynyń jaǵymsyz ıisine úırený úshin kóp ýaqyt kerek boldy. Kalaısh Sınghty raıynan qaıtarý úshin qoldarynan kelgeniniń bárin istegenderin aıtyp otyr. Bir ýaqytta, otbasy Kaılashty ózenge laqtyryp jibermekshi bolǵan eken. Biraq, er adam jýynǵansha, ólgenin artyq sanap, qashyp qutylady.
Kaılashtyń aıtýynsha, bundaı ádis onyń gıgıen ustanǵan túri eken. Ol ár keshte otpen tazaryp otyrady: marıhýana shegip, ottyń aınalasynda Shıve qudaıyna jalbarynyp bıleıdi. Jaǵymsyz ıisti joıý úshin osynyń ózi jetkilikti deıdi. Alaıda, otbasy men kórshi-qolań bul isine túbegeıli qarsylyq tanytyp otyr.
