Eýrazıa ekonomıkalyq odaqqa kiretin memleketteri halqynyń barlyǵynyń birdeı ekinshi azamattyǵy bolýy kerek, dep habarlaıdy minval.az, málimettiń qazaqsha nusqasyn «Qamshy» portaly oqyrman nazaryna usynady.

Mundaı oıdy Reseı memlekettik Dýmasynyń proarmenıalyq depýtaty Konstantın Zatýlın tilshilerge suhbat berý barysynda aıtty.

«Men únemi Odaqtas memleketterdiń ortaq ekinshi azamattyǵy bolýy tıis dep oılaıtynmyn. Al dál qazir EEO quramyndaǵy halyqtarǵa osyndaı azamattyqtyń kerek ekendigin aıtatyn ýaqyt jetken tárizdi. Eýro odaq azamattyǵy degen sekildi», - dep málimdedi depýtat.

Konstantın Zatýlınniń aıtýynsha, bul ıdeıany iske asyrý arqyly ishki keleńsizdikter men EEO músheligindegi elderdiń pozısıasyn retteýge bolady.

Óz kezeginde rseeılik saıasatker Vadım Dýbnov Armenıa bıligi Máskeýdiń kez kelgen usynysymen kelisetindigin atap ótti. Alaıda, bul oı – óli ıdeıa. Al Zatýlın kez kelgen oıdy maquldaı alýǵa quzireti jetkilikti reseılik tulǵa.

«Osy turǵyda máseleniń eki ushy bar. Birinshisi Zatýlınniń jeke basyna qatysty. Kez kelgen ıdeıany maquldaı alatyn arnaýly adamdar bar, al Zatýlın solardyń qatarynda. Shyn máninde Zatýlınniń Eýrazıalyq postkeńestik ıntegrasıalyq bedeline esh qaýip tónip turǵan joq, sol sebepti de ol óz oıyn erkin aıtyp, erkin sóıleı alady. Bul baǵytta belgili bir máseleler bar bolýy múmkin jáne de ol nárseni sheshýdi Zatýlınge júktese kerek», - dep aıtady Dýbnov.

Aýdarǵan: Nazerke Labıhan