Baqytbek Esentaevtyń qaryndasy Naǵıma Esentaeva óziniń ınstagram paraqshasynda aǵasy týraly jıi jazady. Odan aǵasyna degen saǵynyshty baıqaýǵa bolady.

 «Aǵataıym sendeı aq kóńil, keń peıil azamatty jaratqanyna birinshi Allaǵa rahmet aıtamyn. Ekinshiden, ata-anamyzga myń alǵys. Asqar taýdaı, janyma jalaý bolar, aǵalyk qamqorlyǵyńmen aıalaǵan, júregimnin árbir soqqan dúrsiliniń biri bolǵan maqtanyshym, qamqorshym, júregimniń jartysy. Ortamyzga aman-esen tezirek oralsań eken jan aǵam».

Sondaı jazbalarynyń birinde jeli qoldanýshysy Baqytbek Esentaevtyń  qyzdary Aısaýle jáne Aıarýmen aralasyp turasyz ba degen suraǵyna «joq» dep jaýap bergen edi.

Naǵıma Esentaevanyń ózi  aǵasymen jaqyn qarym-qatynasta eken. Onyń aıtýynsha túrmedegi aǵasyna ruqsat etilgen kúnderi baryp, telefonmen de habarlasyp turady eken.

Naǵıma Esentaeva ata-anasynyń erte dúnıeden ozǵanyn jáne aǵasy artynan ergen qaryndasyn baǵý úshin kóp eńbek etkenin aıtady.