Óskemende anasy balasyn órtenip jatqan úıde umytyp ketken. Qutqarýshylardyń úıde bireý bar ma degen suraǵyna áıel adam "joq" dep jaýap bergen. Qutqarýshylar úıde tintý júrgizý barysynda kishkentaı balanyń máıitin alyp shyqqan, - dep habarlaıdy Tengrinews.kz jańalyqtary.
 

SHQO İİD málimetinshe, oqıǵa bolǵan kezde úı ıesi qurbylarymen birge spırttik ishimdik iship otyrǵan. Úıde taǵy kámelet jasyna tolmaǵan úsh bala bolǵan. 14 jastaǵy jasóspirim týǵandaryn oıatyp, inisin syrtqa alyp shyqqan. Úıden barlyǵy shyǵyp úlgergen. Kórshiler men shaqyrylǵan polıseıler úıde taǵy bireýlerdiń bar-joǵyn suraǵan. Osy kezde áıel adam úıde eshkim joǵyn aıtqan. Mundaı jaýapty ol qutqarýshylarǵa da bergen.  "Zal bólmesi sóndirilip jatqan kezde órt sóndirýshiler balanyń máıitin tapty, onyń jasy shamamen 2,5-te bolǵan. Onyń anasy polısıaǵa tapsyryldy. Órt aýmaǵy 120 sharshy metr boldy. Órt kórshi úıge túsip, kireberisi men shatyry órtengen. Órttiń ary qaraı taraýy der kezinde toqtatyldy", - dedi SHQO İİD-niń baspasóz qyzmetiniń ókilderi. 

Negizgi nusqa boıynsha, órt qaýipsizdigi erejelerin saqtamaǵandyqtan osyndaı qaıǵyly oqıǵa bolǵan. Quqyq qorǵaý organdarynda polıseıler qaıtys bolǵan balanyń anasynan jaýap alyp jatyr.